హైదరాబాద్, ఆగస్టు 4: ఆంధ్రప్రదేశ్ ఎపిపిఎస్‌సి గ్రూప్-3 మెయిన్ పరీక్షల షెడ్యూలును చైర్మన్ ప్రొఫెసర్ ఉదయభాస్కర్ విడుదల చేశారు. గ్రూప్-3 మెయిన్స్ పరీక్షలను 6, 7 తేదీల్లో నిర్వహిస్తామని ఆయన చెప్పారు. ఈ నెల 6వ తేదీన ప్రకాశం, చిత్తూరు, కడప, అనంతపురం జిల్లాలతో పాటు హైదరాబాద్-1 లోని 135 కేంద్రాల్లో పరీక్ష నిర్వహించబోతున్నట్టు చెప్పారు.

అమరావతి, ఆగస్టు 4: పర్యాటక రంగానికి కొత్త వరవడులు అద్దుతూ, టియు-142 నావల్ మారిటైమ్ ఎయిర్‌క్రాఫ్ట్ మ్యూజియంను వచ్చే నెలలో సందర్శకులకు అందుబాటులోకి తీసుకురానున్నామని పర్యాటక, సాంస్కృతిక శాఖ కార్యదర్శి ముఖేష్ కుమార్ మీనా తెలిపారు. ఇది పర్యాటకంగా విశాఖ సిగలో మరో విశిష్టత వంటిదని, సెప్టెంబర్‌లో ఈ మ్యూజియం పర్యాటకులకు కనువిందు చేయనుందని వివరించారు.

తిరుపతి, ఆగస్టు 3: శ్రీవారిని దర్శించుకున్న అనంతరం భక్తులు సులభంగా ఆలయం నుంచి బయటకు వచ్చేందుకు టిటిడి అధికారులు నిచ్చెన మార్గం ఏర్పాటు చేస్తున్నారు. కొత్త విధానానికి శ్రీకారం చుడుతున్నారు. తమకు సౌకర్యం కల్పిస్తున్నప్పటికీ శ్రీవారిపైన ఆగమ శాస్త్రాలపైన అచంచలమైన విశ్వాసం ఉన్న భక్తులు టిటిడి ఈ చర్యలపై ఎలా స్పందిస్తారో అర్ధం కాని పరిస్థితి.

తిరుపతి, ఆగస్టు 3: తిరుమల శ్రీవారి ఆలయంలో వార్షిక పవిత్రోత్సవాలు గురువారం ఘనంగా ప్రారంభమయ్యాయి. తొలిరోజున అర్చకస్వాములు శాస్త్రోక్తంగా పవిత్రప్రతిష్ఠ నిర్వహించారు. ఈసందర్భంగా ఉదయం శ్రీదేవి, భూదేవిసమేత శ్రీ మలయప్పస్వామివారిని పవిత్ర మండపంలోని యాగశాలలో వేంచేపుచేశారు. అక్కడ హోమాలు తదితర వైదిక కార్యక్రమాలు నిర్వహించారు. ఉదయం 9 గంటలకు సంపంగి ప్రాకారంలో వేడుకగా స్నపన తిరుమంజనాన్ని నిర్వహించారు.