హైదరాబాద్, ఆగస్టు 1: మాదకద్రవ్యాల కేసులో నోటీసులు అందుకున్న సినీ ప్రముఖుల విచారణ మంగళవారంతో ముగిసింది. రోజుకొకరి చొప్పున సిట్ అధికారులు 12 మందిని విచారించారు. ఈ కేసులో సిట్ అధికారులు చేపట్టే తదుపరి చర్యలపై సర్వత్రా ఆసక్తి నెలకొంది. ఇకపై నోటీసులు ఇచ్చే వారందరిని గోప్యంగా విచారించాలన్న యోచనలో సిట్ అధికారులు ఉన్నట్టు తెలుస్తోంది.

నెల్లూరు, ఆగష్టు 1: క్రికెట్ బెట్టింగ్‌లకు పాల్పడుతున్న అంతర్జాతీయ క్రికెట్ బుకీని పది రోజుల కిందట నెల్లూరు జిల్లా పోలీసులు అదుపులోకి తీసుకొని విచారిస్తున్నారు. విచారణలో అతను పోలీసులకు అందిస్తున్న సమాచారం ఆధారంగా జిల్లాకు చెందిన పలువురు ప్రముఖులను ఒక్కొక్కరిగా జిల్లా పోలీసులు అదుపులోకి తీసుకుంటున్నారు. ప్రస్తుతం నెల్లూరు జిల్లాను ఈ బెట్టింగ్ కేసు వ్యవహారం కుదిపేస్తోంది.

విజయనగరం, ఆగస్టు 1: వివిధ రాష్ట్రాల్లో లారీల దొంగతనాలకు పాల్పడిన అంతర్రాష్ట్ర దొంగల ముఠా నాయకుడిని వన్‌టౌన్ పోలీసులు పట్టుకున్నారు. ఈ విషయమై మంగళవారం సిఐ చంద్రశేఖరరావు విలేఖరులతో మాట్లాడుతూ సిసిఎస్ పోలీసుల సహకారంతో ముఠాలో కీలకమైన వ్యక్తి జగన్నాథరావును అరెస్టు చేశామన్నారు.

దొనకొండ, ఆగస్టు 1:మంగళవారం సాయంత్రం కురిసిన వర్షానికి పిడుగుపడి ముగ్గురు మృతి చెందిన సంఘటన ప్రకాశం జిల్లా దొనకొండ మండలంలోని ఎర్రబాలెం గ్రామ పొలాల్లో జరిగింది. తెలిసిన వివరాల మేరకు గ్రామానికి చెందిన ఎం గురవయ్య (35), భార్య లక్ష్మీ (29), కురిచేడు మండలం గంగవరం గ్రామానికి చెందిన పులి సుబ్బారెడ్డి (50) ఈప్రమాదంలో మృతి చెందారు.