అమరావతి, మార్చి 23: అసెంబ్లీ స్పీకర్ కోడెల శివప్రసాదరావుమీద అవిశ్వాస తీర్మానం పెట్టాలని ప్రతిపక్ష నాయకుడు నిర్ణయించారు. స్పీకర్ మీద తమకు నమ్మకం, గౌరవం పోయాయని, అందుకే తాము అవిశ్వాస తీర్మానం పెడతామని ఆయన చెప్పారు. అసెంబ్లీ మీడియా పాయింటులో గురువారం ఆయన విలేఖర్లతో మాట్లాడుతూ ఈ విషయం వెల్లడించారు.

తిరుపతి, మార్చి 23: టిటిడి ఆధ్వర్యంలో నిర్వహిస్తున్న అన్నప్రసాద ట్రస్టుకు ఓ అజ్ఞాత భక్తుడు రూ.2 కోట్లను విరాళంగా అందించారు. తిరుమల జెఇఓ శ్రీనివాసరాజును కలసి ఆయన ఈ మొత్తాన్ని గురువారం అందించారు. అయితే ఆయన తన పేరును చెప్పడానికి నిరాకరించారు. టిటిడి అన్నప్రసాద ట్రస్టుకు ఇంత పెద్దమొత్తంలో విరాళం ఇవ్వడం ఇదే తొలిసారి.

విజయవాడ, మార్చి 23: భారతీయ జనతాపార్టీ సిద్ధాంతాలు, లక్ష్యాల మేరకు పనిచేస్తూ ఉత్తరాంధ్రప్రాంత అభివృద్ధికి కృషి చేస్తానని ఉత్తరాంధ్ర పట్ట్భద్రుల నియోజకవర్గ శాసనమండలి సభ్యులు పివిఎన్ మాధవ్ హామీ ఇచ్చారు.

హైదరాబాద్, మార్చి 23: ఆంధ్రప్రదేశ్‌లో మానవ హక్కుల సంఘం ఏర్పాటుకు సంబంధించి దాఖలైన పిటిషన్‌పై ఏపి ప్రభుత్వానికి నోటీసులను హైకోర్టు జారీ చేసింది. ఏపి పౌర హక్కుల సంఘం ప్రధాన కార్యదర్శి పొత్తూరి సురేష్ కుమార్ ఈ పిటిషన్ దాఖలు చేశారు. ఈ పిటిషన్‌ను హైకోర్టు తాత్కాలిక ప్రధాన న్యాయమూర్తి జస్టిస్ రమేష్ రంగనాథం, జస్టిస్ షామీమ్ అక్తర్‌లు విచారించారు.