తాడేపల్లి, మార్చి 20: పలాస ఎమ్మెల్యే గౌతు శ్యామసుందర్ శివాజీ రోడ్డుపై బైఠాయించి హడావుడి సృష్టించారు. సోమవారం అసెంబ్లీ సమావేశాలకు హాజరవటానికి ఎమ్మెల్యే శివాజీ ప్రకాశం బ్యారేజ్ మీదుగా కరకట్టపై వెలగపూడిలోని సచివాలయానికి వెళ్లటానికి ప్రయత్నించారు. అప్పటికే సిఎం కాన్వాయ్ కోసం ట్రాఫిక్‌ను నిలిపివేసిన పోలీసులు కరకట్ట మార్గంలో శివాజీ వెళ్లటానికి అనుమతించలేదు.

విజయవాడ, మార్చి 20: ‘అంగట్లో అన్నీ ఉన్నా అల్లుడి నోట్లో శని’ అన్న చందంగా తాను ప్రాతినిధ్యం వహిస్తున్న నగరి నియోజకవర్గ కేంద్రంతో పాటు పరిసర గ్రామాల్లోని దాదాపు లక్షా 10వేల మంది ప్రజల దాహార్తిని తీర్చేందుకు గత కాంగ్రెస్ ప్రభుత్వ హయాంలో రూ.14 కోట్లతో నిర్మితమైన రక్షిత మంచినీటి పథకం మూడేళ్లు కావస్తున్నప్పటికీ ప్రారంభోత్సవానికి నోచుకోలేదంటూ వైకాపా శాసనసభ్యురాలు రోజా ఆగ్రహం వ్యక్తపర్చారు.

కడప/కర్నూలు/ నెల్లూరు, మార్చి 20: స్థానిక సంస్థల ఎమ్మెల్సీ ఎన్నికల్లో అధికార టిడిపి సత్తాచాటింది. కడప, కర్నూలు, నెల్లూరుల్లో ఘన విజయం సాధించింది. ప్రతిక్ష వైకాపా ఎంత శ్రమించినా ఫలితం దక్కలేదు. కడపలో నువ్వానేనా అన్నట్టుగా సాగిన ఓట్ల లెక్కింపులో తెలుగుదేశం పార్టీ అభ్యర్థి బిటెక్ రవి(మారెడ్డి రవీంద్రారెడ్డి) తన సమీప వైకాపా అభ్యర్థి వైఎస్.వివేకానందరెడ్డిపై 38 ఓట్ల మెజారిటీతో గెలుపొందారు.

గుంటూరు, మార్చి 20: ‘అధికారంలో ఉన్నామని దిగజారుడు రాజకీయాలతో ఫిరాయింపులను ప్రోత్సహిస్తున్నారు.. ఓ ఎమ్మెల్సీ సీటు గెలిచి సిగ్గులేకుండా గొప్పలు చెప్పుకుంటున్నారు.. ముఖ్యమంత్రి చంద్రబాబు చెప్పేదంతా గ్యాస్.. దమ్ముంటే ఆ ఎమ్మెల్యేలతో రాజీనామా చేయించి ఎన్నికల బరిలో నిలిచి గెలవండ’ని ప్రతిపక్ష వైఎస్సార్ కాంగ్రెస్ అధినేత వైఎస్ జగన్మోహన్‌రెడ్డి టిడిపికి సవాల్ విసిరారు.