విజయవాడ, మార్చి 21: రాష్ట్రంలో సాగునీటి రంగానికి పెద్దపీట వేశామని, గడచిన మూడేళ్లలో రూ. 21వేల 632కోట్లు ఖర్చుచేశామని జలవనరుల శాఖ మంత్రి దేవినేని ఉమామహేశ్వరరావు చెప్పారు. పెండింగ్‌లోని సాగునీటి ప్రాజెక్టులన్నింటినీ పూర్తిచేయడమే కాకుండా 2018 నాటికి పోలవరం నిర్మాణాన్ని సైతం పూర్తిచేస్తామంటూ ప్రకటించారు.

విజయవాడ, మార్చి 21: గల్ఫ్ దేశాల్లో ఇబ్బందులు పడుతున్న తెలుగువారిని ఆదుకోవాలని పలువురు సభ్యులు విజ్ఞప్తి చేశారు. రాష్ట్ర శాసన మండలిలో మంగళవారం నాటి ప్రశ్నోత్తరాల సమయంలో సౌదీ అరేబియాలో తగిన ఆదాయ వనరులు లేక రాష్ట్రానికి తిరిగి రాలేకపోతున్న వారి గురించి తీసుకున్న చర్యలపై ఎమ్మెల్సీ ఎంవివిఎస్ మూర్తి ప్రశ్నించారు.

విజయవాడ, మార్చి 21: దోమల నియంత్రణకు సరైన చర్యలు చేపట్టపోవడంపై రాష్ట్ర శాసనమండలిలో మంగళవారం ఆసక్తికరమైన చర్చ జరిగింది. సభలోనూ దోమలు కుడుతున్నాయని సభ్యులు చెప్పగా, ‘పాస్ లేకుండా ఎలా వస్తాయం’టూ మండలి చైర్మన్ చక్రపాణి చమత్కరించారు. త్వరలో మస్కిటో బ్రీడింగ్ ప్రివెంటివ్ యాక్టును రూపొందించనున్నట్లు రాష్ట్ర వైద్య, ఆరోగ్య శాఖ మంత్రి కామినేని శ్రీనివాస్ తెలిపారు.

అమరావతి, మార్చి 20: రెండున్నరేళ్ల తర్వాత తెలుగుదేశం పార్టీకి కడప రూపంలో వచ్చిన భారీ విజయాన్ని తెలుగుతమ్ముళ్లు ఆనందంగా ఆస్వాదిస్తున్నారు. ఇప్పటివరకూ కడప వైపు కనే్నసేందుకే భయపడిన పార్టీ నాయకత్వం ఇప్పుడు ఏకంగా వైఎస్ కుటుంబానికి పట్టున్న కడపను కొల్లగొట్టడంతో ముఖ్యమంత్రి చంద్రబాబు నాయుడు సహా పార్టీ శ్రేణులంతా ఉత్సాహంగా కనిపిస్తున్నారు.