విశాఖపట్నం, అక్టోబర్ 18: అధ్యాపక నియామకాలకు సంబంధించి అర్హత పరీక్ష ఆంధ్రప్రదేశ్ స్టేట్ ఎలిజిబిలిటీ టెస్టు (ఎపిసెట్) ఫలితాలను బుధవారం విశాఖలో విడుదల చేయనున్నారు. ఆంధ్ర విశ్వవిద్యాలయం ఎయు ప్లాటినం జుబ్లీ సమావేశ మందిరంలో నిర్వహించే ఒక కార్యక్రమంలో ఉదయం 10 గంటలకు ఎయు వైస్ చాన్సలర్ ఆచార్య జి.నాగేశ్వరరావు విడుదల చేస్తారు.

హైదరాబాద్, అక్టోబర్ 18: ఆంధ్రప్రదేశ్ పబ్లిక్ సర్వీసు కమిషన్ నిర్వహించే ఎంపిక పరీక్షల్లో అక్రమాలకు పాల్పడే అభ్యర్థుల పట్ల కఠినంగా వ్యవహరించేందుకు చట్టంలో మార్పులు తీసుకువచ్చింది. ఈ మేరకు మంగళవారం నాడు ఎపిపిఎస్‌సి గెజిట్ ప్రకటన చేసింది. అక్రమాలకు పాల్పడినట్టు తేలితే అభ్యర్థులను డిబార్ చేయడంతో పాటు వారిపై క్రిమినల్ ప్రాసిక్యూషన్‌కు కూడా వీలుకల్పించారు.

విజయనగరం(టౌన్), అక్టోబర్ 18: ఉత్తరాంధ్ర ప్రజల ఇలవేలుపు పైడితల్లి అమ్మవారి సిరిమాను ఉత్సవం అంబరాన్ని తాకింది. మంగళవారం సాయంత్రం సిరిమాను సంబరాన్ని తిలకించేందుకు అశేష భక్తజనంతో విజయనగరం నిండిపోయింది. ముందుగా ప్రకటించిన సమయానికి సిరిమాను ఇరుసు సీల అమర్చడంలో సాంకేతిక సమస్య ఉత్పన్నం కావడంతో గంటన్నర ఆలస్యంగా వేడుక ఆరంభమైంది.

కురుపాం, అక్టోబర్ 18: ఇకపై ఎంపి, ఎమ్మెల్యే వంటి ప్రత్యక్ష ఎన్నికల్లో పోటీ చేయనని మాజీ మంత్రి, టిడిపి సీనియర్ నేత శత్రుచర్ల విజయరామరాజు ప్రకటించారు. మంగళవారం విజయనగరం జిల్లా కురుపాంలో ఆయన విలేఖర్లతో మాట్లాడుతూ ఇంతవరకు ఎమ్మెల్యేగా, ఎంపిగా, మంత్రిగా ఎంతో అభివృద్ధి చేశానన్నారు. ఎమ్మెల్సీ, రాజ్యసభ వంటి పదవులు వరించే అవకాశం వస్తే పార్టీకి, ప్రజల కోసం పని చేస్తానన్నారు.