అమరావతి, అక్టోబర్ 17:అభివృద్ధి, ఉపాధి, పెట్టుబడులకు సర్కారీ ప్రకటనలే గీటురాళ్లు! మరి అవే తప్పుల తడకలుగా ఉంటే..పరస్పరం పొంతన లేని గణాంకాలతో విస్మయం కలిగిస్తే పరిస్థితి ఏమిటి? ఆంధ్ర ప్రదేశ్ అభివృద్ధిని చాటిచెప్పేందుకు జరుగుతున్న పోటాపోటీ ప్రకటనల్లో పొంతన కొరవడింది. ఫలితంగా వేలాది కోట్లే ‘గల్లంతు’అయ్యాయి. లక్షలాదిగా ఉపాధి లక్ష్యాల్లోనే తేడాలొచ్చేశాయి.

సింథియా, అక్టోబర్ 17: విశాఖలోని సింథియా ప్రాంతంలో 9వతరగతి చదువుతున్న పద్నాలుగేళ్ల బాలికపై ఐదుగురు యువకులు 12 రోజులుగా సామూహిక అత్యాచారానికి పాల్పడ్డారు. ఆలస్యంగా వెలుగు చూసిన సంఘటనకు సంబంధించి పోలీసులు తెలిపిన వివరాల ప్రకారం 47వ వార్డు పరిధి నక్కవానిపాలెంలో నివాసం ఉంటున్న కోరాడ అచ్చిబాబు కుమార్తె ఈనెల 1న పాఠశాలకు వెళ్లి సాయం త్రం ఇంటికి వచ్చింది.

కాకినాడ, అక్టోబర్ 17: సారవంతమైన వ్యవసాయ భూములను ఆక్వా చెరువులుగా మార్చడాన్ని నియంత్రించేందుకు ప్రభుత్వం పటిష్ఠమైన చర్యలు తీసుకుంటోంది. వ్యవసాయ భూముల్లో అధికారికంగా, అనధికారికంగా చెరువులు తవ్వుతూ ఆక్వా సాగు చేస్తున్న రైతులపై కఠినంగా వ్యవహరించడానికి రంగం సిద్ధం చేస్తోంది. ఆక్వా జోన్ల నిర్ధారణకు రాష్ట్ర శాటిలైట్ అప్లికేషన్స్ సెంటర్ ఆధ్వర్యంలో శాటిలైట్ సర్వే నిర్వహించారు.

హైదరాబాద్, అక్టోబర్ 17: ఆంధ్రప్రదేశ్ ప్రభుత్వం కేంద్రంలో తన పలుకుబడి ఉపయోగించి పోలవరం ప్రాజెక్టును వేగంగా పూర్తి చేసి చరిత్ర సృష్టించాలని ప్రయత్నిస్తోంది. ముఖ్యమంత్రి చంద్రబాబునాయుడు క్రమం తప్పకుండా పోలవరం వెళ్లి పనులను పర్యవేక్షిస్తున్నారు. అయినా కాంట్రాక్టు పొందిన ట్రాన్స్‌ట్రాయ్ మాత్రం ఆ మేరకు పనులను వేగంగా పూర్తి చేయడంలో విఫలమవుతోంది.