గుంటూరు, అక్టోబర్ 19: ఆంధ్రప్రదేశ్ ముఖ్యమంత్రి చంద్రబాబుకు చెందిన హైదరాబాద్ జూబ్లీహిల్స్‌లో ఇల్లు బ్యాంక్ ఆఫ్ బరోడాలో అప్పు తీసుకుని నిర్మిస్తున్నట్లు ఆయన కుమారుడు, టిడిపి జాతీయ ప్రధాన కార్యదర్శి లోకేశ్ వెల్లడించారు. అప్పులు పోగా ఆయనకు మిగిలిన ఆస్తుల విలువ కేవలం రూ.68 లక్షలు ఉన్నాయని ఆయన వివరించారు. మనవడు దేవాంశ్‌కు మాత్రం తాతకు మూడింతల స్థిరచరాస్తులు ఉన్నాయి.. ఇక లోకేష్‌కూ అప్పులున్నాయి..

భీమవరం, అక్టోబర్ 19: ప్రజా సంక్షేమం దృష్ట్యా పశ్చిమ గోదావరి జిల్లా భీమవరం రూరల్ మండలం తుందుర్రులో నిర్మిస్తున్న గోదావరి మెగా ఆక్వా ఫుడ్ పార్కు నిర్మాణం నిలిపివేయాలని వైఎస్సార్ కాంగ్రెస్ పార్టీ అధ్యక్షుడు వైఎస్ జగన్మోహన్ రెడ్డి (జగన్) డిమాండ్‌చేశారు. ఈ పార్కును సముద్ర తీర ప్రాంతానికి తరలించి నిర్మిస్తే తమ పార్టీ మద్దతిస్తుందన్నారు.

గుంటూరు, అక్టోబర్ 18: ఆధ్యాత్మిక కేంద్రం తిరుపతి ఆయుర్వేద హబ్‌కు అన్నివిధాల అనువైన ప్రాంతమని ముఖ్యమంత్రి చంద్రబాబు అభిప్రాయపడ్డారు. తిరుపతి కొండల్లో ఆయుర్వేద ఔషధాలకు అవసరమైన మొక్కలను పెంచాల్సిన అవసరం ఉందన్నారు. ఆధ్యాత్మికతతో పాటు ఆయుర్వేద హబ్‌ను ఏర్పాటుచేస్తే సత్ఫలితాలు సాధించవచ్చని ఇండో స్విస్ ప్రతినిధులకు సిఎం సూచించారు.

హైదరాబాద్, అక్టోబర్ 18: అభివృద్ధి, పెట్టుబడులలో 12 వేల కోట్ల రూపాయల గల్లంతయ్యాయన్నది అబద్ధమని ఏపి సమాచారశాఖ కమిషనర్ వెంకటేశ్వర్ ఖండించారు. కేవలం అంకెల్లో తేడాలను చూపి 12 వేల కోట్లు గల్లంతయ్యాయని చెప్పడం తగదన్నారు. సీఎం కోర్ డాష్‌బోర్డులో ఉన్న సమాచారం మేరకు తాము గణాంకాలు అందించామన్నారు. కేవలం ఊహలు, కల్పితాల ఆధారంగా పెట్టుబడులపై వార్తాకథనం ఇవ్వడాన్ని ఖండించారు.