అనంతపురం, అక్టోబర్ 18: రానున్న సార్వత్రిక (2019) ఎన్నికల్లో తాను పోటీ చేయనని, రాజకీయాల నుంచి వైదొలుగుతానని అనంతపురం ఎంపి జెసి.దివాకర్‌రెడ్డి ప్రకటించారు. మంగళవారం ఇక్కడ మీడియాతో మాట్లాడుతూ చట్టసభల్లో ఎంపిలు, ఎమ్మెల్యేలకు విలువ లేకుండా పోయిందని ఆవేదన వ్యక్తం చేశారు. ప్రధానమంత్రి, ముఖ్యమంత్రి చెప్పినట్లు వినాల్సి వస్తోందన్నారు. పార్లమెంటు సమావేశాల్లో పాల్గొన్నా ప్రయోజనం ఉండడం లేదన్నారు.

విజయవాడ, అక్టోబర్ 18: ఇప్పటి వరకు డ్రైగోడౌన్లకే పరిమితమైన ఆంధ్రప్రదేశ్ స్టేట్ వేర్ హౌసింగ్ కార్పొరేషన్ కోల్డ్ స్టోరేజీ నిర్మాణానికి శ్రీకారం చుట్టింది. రూ. 123 కోట్ల వ్యయంతో విశాఖపట్నం, భీమవరం, గుంటూరులలో కోల్డ్ స్టోరేజీలను నిర్మిస్తున్నట్లు వేర్ హౌసింగ్ చైర్మన్ ఎల్‌విఎస్‌ఆర్‌కె ప్రసాద్ తెలిపారు. ఇందుకోసం సెంట్రల్ వేర్ హౌసింగ్ కార్పొరేషన్ సహకారం కూడా తీసుకుంటున్నామన్నారు.

విజయవాడ, అక్టోబర్ 17: దేశ చరిత్రలోనే తొలిసారిగా ఎస్సీ, ఎస్టీ విద్యార్థులు విదేశాల్లో పోస్టు గ్రాడ్యుయేషన్, డిప్లొమా కోర్సులు చదువుకోటానికి ముఖ్యమంత్రి నారా చంద్రబాబు నాయుడు కేవలం రెండేళ్ల వ్యవధిలోనే రెండు లక్షలతో ప్రారంభించి రూ.25లక్షల వరకు ఆర్థిక సహాయం అందించడానికి ముందుకొచ్చారని రాష్ట్ర సాంఘిక సంక్షేమ శాఖ మంత్రి రావెల కిషోర్‌బాబు తెలిపారు.

హైదరాబాద్, అక్టోబర్ 17: వైఎస్సార్ కాంగ్రెస్ పార్టీ అధ్యక్షుడు వైఎస్ జగన్మోహన్ రెడ్డి ప్రధాన ప్రతిపక్ష నేతగా పూర్తిగా విఫలమయ్యారని మాజీ ఎంపి ఉండవల్లి అరుణ్ కుమార్ విమర్శించారు. కనీసం అసెంబ్లీలో అవిశ్వాస తీర్మానంపై చర్చ జరిగినప్పుడు ఓటింగ్ కూడా పెట్టించలేకపోయారని విమర్శంచారు. రాష్ట్ర పునర్విభజన చట్టంలోని అంశాలను అమలు చేయించుకోలేని దుస్థితిలో ముఖ్యమంత్రి చంద్రబాబు ఉన్నారని విమర్శించారు.