నందిగామ, సెప్టెంబర్ 18: కృష్ణా జిల్లా వీరులపాడు మండలం పల్లెంపల్లి గ్రామ సమీపంలో గల వైరా ఏటి నీటి కుంటలో పడి ఆదివారం ముగ్గురు మృతి చెందారు. వివరాలు ఈ విధంగా ఉన్నాయి. వీరులపాడు మండలం కొణతాలపల్లికి చెందిన తుపాకుల శ్రీనివాసరావు (37) తన బైక్‌ను శుభ్రం చేసుకుంటుండగా అతనితో వెళ్లిన మేనళ్లులు వీరంశెట్టి అరుణ్‌కుమార్ (11), సుగ్గన నారేంద్రబాబు (9) నీటి కుంటలో స్నానం చేసేందుకు దిగారు.

విశాఖపట్నం, సెప్టెంబర్ 18: పశ్చిమ మధ్య బంగాళాఖాతంలో కోస్తాను ఆనుకుని సముద్ర ఉపరితలం నుంచి 4.5 కిలోమీటర్ల ఎత్తులో ఉపరితల ఆవర్తనం ఏర్పడిందని విశాఖ తుపాను హెచ్చరికల కేంద్రం అధికారులు తెలిపారు. దీని ప్రభావంతో రాగల 24 గంటల్లో కోస్తాలో పలుచోట్ల తేలికపాటి వర్షాలు కురుస్తాయని పేర్కొన్నారు.

విజయవాడ, సెప్టెంబర్ 18: నగర పంచాయతీలు, మున్సిపల్ కార్పొరేషన్లు, మున్సిపాల్టీలకు సంబంధించి వంద శాతం మరుగుదొడ్ల నిర్మాణానికి సంబంధించి రాష్ట్ర ప్రభుత్వం లక్ష్యానికి చేరువగా పనిచేస్తోంది. రాష్ట్రంలోని నగర పంచాయతీల్లో 38,916 మరుగుదొడ్ల నిర్మాణానికి అనుమతులు మంజూరు చేయగా 33,185 మరుగుదొడ్ల నిర్మాణం పూర్తయింది. మరో 5731 మరుగుదొడ్ల నిర్మాణం కొనసాగుతోంది.

ఎచ్చెర్ల, సెప్టెంబర్ 18: హోదాకు దీటుగా కేంద్ర ప్రభుత్వాన్ని ఒప్పించి ప్యాకేజీను ముఖ్యమంత్రి చంద్రబాబునాయుడు సాధించారని అయితే రాజకీయ పరిపక్వత లేని పలువురు నేతలు తప్పుడు ప్రచారం సాగిస్తున్నారని తెలుగుదేశం పార్టీ రాష్ట్ర అధ్యక్షుడు కిమిడి కళావెంకటరావు విమర్శించారు. శ్రీకాకుళం జిల్లా, పూడివలస గ్రామంలో ఆదివారం వివిధ అభివృద్ధి కార్యక్రమాల్లో పాల్గొని, అక్కడి సభలో మాట్లాడారు.