హైదరాబాద్, ఆగస్టు 2: కృష్ణానదిలో వరద ఉద్ధృతి ఎక్కువగా ఉండటంతో సెక్యూరిటీ మెష్‌లు ఏర్పాటు చేయాల్సిందిగా తెలంగాణ ప్రభుత్వ ప్రధాన కార్యదర్శి రాజీవ్ శర్మ అధికారులను ఆదేశించారు. సచివాలయం నుంచి మంగళవారం నల్లగొండ, మహబూబ్‌నగర్ కలెక్టర్లతో వీడియో కాన్ఫరెన్స్ ద్వారా సిఎస్ సమీక్షించారు. కృష్ణా పుష్కరాలు సమీపించడంతో పనులన్నింటినీ గడువులోగా పూర్తి చేయాలని రాజీవ్ శర్మ ఆదేశించారు.

హైదరాబాద్, ఆగస్టు 2: ఆంధ్రప్రదేశ్‌కు ప్రత్యేక హోదా ఇస్తామని హామీ ఇచ్చి తుంగలో తొక్కిన బిజెపి వైఖరిని చూసి ఐదు కోట్ల ఆంధ్రుల రక్తం మరుగుతోందని వైకాపా అధ్యక్షుడు, ప్రతిపక్ష నేత వైఎస్ జగన్మోహన్ రెడ్డి తీవ్రస్థాయిలో ధ్వజమెత్తారు. ప్రత్యేక హోదాను ఆంధ్రాకు ప్రకటించాలని డిమాండ్ చేస్తూ మంగళవారం ఇచ్చిన రాష్ట్ర బంద్ పిలుపు విజయవంతమైందన్నారు.

తిరుపతి : కృష్ణా పుష్కరాల సందర్భంగా విజయవాడలో శ్రీవారి నమునా ఆలయం, రోజుకు లక్షమంది భక్తులు దర్శనం చేసుకునేలా టీటీడీ ఏర్పాట్లు చేయనుంది. బుధవారం పుష్కర యాత్ర తిరుమలలో ప్రారంభమై 7వ తేదీకి విజయవాడకు చేరనుంది. తిరుమల తిరుపతి దేవస్థానం పాలక మండలి మంగళవారం పలు కీలక నిర్ణయాలు తీసుకుంది.

గుంటూరు : బొల్లాపల్లి మండలం మేళ్లవాగు వద్ద ప్రయాణికులతో వెళ్తున్న ఆటోను ఎదురుగా వచ్చిన ఆయిల్‌ ట్యాంకర్‌ ఢీకొని వద్దాలపు నాగరాజు అనే యువకుడు మృతిచెందాడు. మరో ముగ్గురు తీవ్రంగా గాయపడ్డారు. ఆయిల్‌ ట్యాంకర్‌ కూచనపల్లి వద్ద అదుపుతప్పి చెట్టును ఢీకొంది. ఈ ఘటనలో డ్రైవర్‌ తీవ్రంగా గాయపడ్డాడు. అతడి పరిస్థితి విషమంగా ఉన్నట్లు సమాచారం.