హైదరాబాద్, జూలై 19: రాష్ట్రానికి ప్రత్యేక హోదా అంశం తెదేపా-్భజపా మిత్రపక్షాల మధ్య మరోసారి చిచ్చుకు కారణమవుతోంది. అసలు ఓటింగు సాధ్యం కాని ప్రత్యేక హోదా బిల్లును అడ్డుపెట్టుకుని తెదేపా రాజకీయం చేస్తోందని, కేంద్రంలో ఇద్దరు మంత్రులుండగా, కాంగ్రెస్ ఎంపి కెవిపి ప్రైవేటు బిల్లును ఎలా సమర్థిస్తుందని భాజపా నేతలు మండిపడుతున్నారు.

విజయవాడ, జూలై 19: రాష్ట్ర ప్రభుత్వ రెవెన్యూ ఆదాయంలో 72 శాతం వాణిజ్య పన్నుల శాఖ ద్వారానే వస్తోందని, ఏ శాఖలోనైనా నీతి, నిజాయితీతో పనిచేసే అధికారులకు ప్రభుత్వం పూర్తి మద్దతునిస్తోందని రాష్ట్ర ఆర్థిక, వాణిజ్య పన్నులు, శాసనసభా వ్యవహారాల శాఖ మంత్రి యనమల రామకృష్ణుడు తెలిపారు.

విజయవాడ, జూలై 19: భారతదేశంలో పవిత్ర నదులకు నిత్య హారతులు ఇస్తుంటారు. కొన్ని నదులకు ప్రత్యేక పర్వదినాల్లో హారతులు ఇస్తుంటారు. ఏ నదికి హారతి ఇచ్చినా, అది సూర్యాస్తమయ సమయానికి కాస్త అటుఇటుగా ఇస్తుంటారు. గత ఏడాది జరిగిన గోదావరి పుష్కరాల సందర్భంగా ముఖ్యమంత్రి చంద్రబాబు నదీ హారతిని ప్రవేశపెట్టారు. దాన్ని నిత్య హారతిగా నిర్వహించాలని ఆదేశించారు.

విజయవాడ, జూలై 19: ఎన్టీఆర్ దగ్గర నుంచి తాను పట్టుదలంటే ఏమిటో నేర్చుకున్నానని, ఆ పట్టుదలతోనే నదులను అనుసంధానం చేశానని ముఖ్యమంత్రి చంద్రబాబు అన్నారు. కృష్ణ, గోదావరి నదీ సంగమ ప్రాంతానికి ఆయన మంగళవారం మధ్యాహ్నం హారతి ఇచ్చారు. ఆ తరువాత జరిగిన సభలో ఆయన మాట్లాడుతూ ప్రపంచంలో ఏ పనీ అసాధ్యం కాదని అన్నారు. నదీ సంగమం వలన వేల ఎకరాల్లో అదనపు భూమి సాగుబడిలోకి వస్తుందని అన్నారు.