మదనపల్లె, జూలై 18: ఎర్రచందనం కేసుల చట్టానికి పదును పెట్టినట్లు ఆంధ్రప్రదేశ్ డిజిపి జె.వి.రాముడు స్పష్టం చేశారు. ఈ చట్టంలో మార్పు తీసుకురావడంతో కేసులు త్వరితగతిన పరిష్కారంతో పాటు నిందితులకు కఠిన శిక్షలు పడతాయని తెలిపారు. చిత్తూరుజిల్లా మదనపల్లె పట్టణం రెండో పట్టణపోలీస్‌స్టేషన్‌లో కంట్రోల్ కమాండ్ కేంద్రాన్ని డిజిపి సోమవారం ప్రారంభించారు.

ఖమ్మం, జూలై 18: రానున్న మూడేళ్లలో రాష్ట్రంలో 240కోట్ల మొక్కలు నాటేందుకు ప్రణాళిక రూపొందించినట్లు తెలంగాణ అటవీ శాఖ మంత్రి జోగు రామన్న తెలిపారు. సోమవారం ఖమ్మం నగరంలో ఒకేరోజు రెండు లక్షల మొక్కలను నాటే కార్యక్రమానికి రాష్ట్ర రోడ్లు, భవనాల శాఖ మంత్రి తుమ్మల నాగేశ్వరరావుతో కలిసి ఆయన శ్రీకారం చుట్టారు. అనంతరం మంత్రి రామన్న మాట్లాడుతూ రాష్ట్రంలో సోమవారం ఒక్కరోజునే 9 కోట్ల మొక్కలు నాటామని చెప్పారు.

కాకినాడ, జూలై 18: రాష్ట్రంలో కాపుల సంక్షేమం కోసం సూక్ష్మ, చిన్న తరహా పరిశ్రమలు మంజూరు చేయనున్నట్టు ఉప ముఖ్యమంత్రి, హోంశాఖ మంత్రి నిమ్మకాయల చినరాజప్ప వెల్లడించారు. సూక్ష్మ, చిన్న తరహా పరిశ్రమల శాఖ ఆధ్వర్యంలో రాష్ట్రంలో పెద్ద ఎత్తున పరిశ్రమల స్థాపనకు కాపులను ప్రోత్సహించాలని ప్రభుత్వం నిర్ణయించిందన్నారు. యూనిట్‌కు రూ.10 లక్షలు సబ్సిడీగా నిర్ణయించిచామన్నారు.

కాణిపాకం, జూలై 18 : చిత్తూరు జిల్లా కాణిపాకం శ్రీ వరసిద్ధి వినాయకస్వామి ఆలయంలోనిత్య అన్నదాన సత్రం నుంచి కందిపప్పును తస్కరిస్తున్న నలుగురు ఆలయ ఉద్యోగులపై వేటు పడింది. ఈ మేరకు ఆలయ ఇ ఓ పూర్ణచంద్రరావు సోమవారం ఉత్తర్వులు జారీ చేశారు. ఈ ఘటనలో ఒకరు శాశ్వత ఉద్యోగిని సస్పెండ్ చేసి, మరో ముగ్గురు కాంట్రాక్టు ఉద్యోగులను విధుల నుంచి తొలగించారు.