పోలవరం, నవంబర్ 20: పశ్చిమ గోదావరి జిల్లాలోని పట్టిసం ఎత్తిపోతల పథకం మోటార్లకు విద్యుత్ సరఫరా అయ్యే కేబుల్ కాలిపోవటంతో మంగళవారం ఉదయం మోటార్లు పూర్తిగా నిలిచిపోయాయి. ఈ సంఘటన ఉదయం 8గంటలకు జరగ్గా, తక్షణం స్పందించిన ఇంజినీరింగ్ అధికారులు కాలిపోయిన కేబుళ్లను సరిచేసి ఉదయం 10.30 గంటలకు తిరిగి మోటార్లను ఆన్‌చేసి గోదావరి నీటిని కుడి కాలువ ద్వారా కృష్ణా జిల్లాకు తరలించే ప్రక్రియను ప్రారంభించారు.

విజయవాడ, నవంబర్ 20: నవ్యావిష్కరణలకు అద్దం పట్టేలా యువతలోని ప్రతిభను వెలికితీసేందుకు, స్టార్టప్‌లు, యువ నిపుణులను పారిశ్రామిక, సాంకేతిక వర్గాలతో అనుసంధానం చేయడమే లక్ష్యంగా మేక్ ఇన్ ఏపీ కార్యక్రమాన్ని రాష్ట్ర ప్రభుత్వం బుధవారం ప్రారంభించనుంది. ఉండవల్లిలోని ప్రజావేదికలో రాష్ట్ర ఐటీ శాఖ మంత్రి లోకేష్ ప్రారంభించనున్నారు.

విజయవాడ, నవంబర్ 20: విశాఖలో భూ కుంభకోణానికి సంబంధించి ఏర్పాటు చేసిన ప్రత్యేక దర్యాప్తు బృందం (సిట్) ఇచ్చిన నివేదికపై తదుపరి చర్యలను సిఫారసు చేసేందుకు వీలుగా త్రిసభ్య కమిటీని రాష్ట్ర ప్రభుత్వం మంగళవారం ఏర్పాటు చేసింది. విశాఖ , పరిసర ప్రాంతాల్లో భూ రికార్డుల దిద్దుబాట్లకు సంబంధించి ఆరోపణల నేపథ్యంలో సిట్‌ను రాష్ట్ర ప్రభుత్వం ఏర్పాటు చేయడం, ప్రభుత్వానికి సిట్ నివేదిక ఇవ్వడం తెలిసిందే.

విశాఖపట్నం, నవంబర్ 20: రక్షణ రంగ పరిశోధనలు, అభివృద్ధిలో భారత్ సింగపూర్ పరస్పర సహకారంతో ముందుకు సాగాలని నిర్ణయించాయి. సింగపూర్ ఇండియా మారీటైం బైలేటరల్ ఎక్సర్‌సైజ్ (సింబెక్స్)లో భాగంగా తూర్పు తీరంలో మంగళవారం ఇరు దేశాల రక్షణ మంత్రులు నిర్మలా సీతారామన్, ఎంజీ ఏంజ్ హేన్ మూడవ ద్వైపాక్షిక ఒప్పందం కుదుర్చుకున్నారు. తద్వారా రక్షణ రంగంలో పరిశోధనలు, విన్యాసాలు విస్తరించేందుకు అవకాశాలు మరింతగా పెరిగాయి.