విజయవాడ, నవంబర్ 19: నవ్యాంధ్ర రాజధాని విజయవాడలో ఈ నెల 25న ‘నవ్యాంధ్రతో నా నడక’ పుస్తకాన్ని ఆవిష్కరించనున్నట్లు మాజీ చీఫ్ సెక్రటరీ ఐవైఆర్ కృష్ణారావు అన్నారు. విజయవాడలో ఆదివారం ఒక హోటల్‌లో ఏర్పాటు చేసిన విలేఖర్ల సమావేశంలో ఆయన మాట్లాడుతూ అంతక ముందు పవన్ కళ్యాణ్ ఆవిష్కరించిన తాను రాసిన పుస్తకానికి మంచి స్పందన వచ్చిందని అన్నారు. 130, 140 పేజీలు గల ఈ పుస్తకం తెలుగు, ఇంగ్లీష్ భాషల్లో ఉంటుందన్నారు.

విశాఖపట్నం, నవంబర్ 19: జాతి భద్రత, రక్షణకు భారత్, సింగపూర్ నౌకాదళాల సంయుక్త సేవలు ఎంతగానో ఉపకరిస్తాయని ఇరు దేశాలకు చెందిన నౌకాదళ ప్రధానాధికారులు ఉద్ఘాటించారు. సింగపూర్, ఇండియా మారిటైం బైలేటరల్ ఎక్సర్‌సైజ్ 2018 (సింబెక్స్ 18) రజతోత్సవాలను పురస్కరించుకుని తూర్పునౌకాదళ యుద్ధ నౌకలో సోమవారం జరిగిన కార్యక్రమంలో సింబెక్స్ లోగోను, ఇరు దేశాల పోస్టల్ కవర్, స్టాంప్‌లను విడుదల చేశారు.

అమరావతి, నవంబర్ 19: తెలంగాణ రామిరెడ్డిగా గుర్తింపు పొందిన శాసనమండలి మాజీ సభ్యుడు జీవీ రామిరెడ్డికి సోమవారం ముఖ్యమంత్రి చంద్రబాబు నాయుడు శతవసంతాల శుభాకాంక్షలు తెలిపారు. ప్రజాసేవలో ఆయన సేవలు అనిర్వచనీయమన్నారు. ఆయురారోగ్యాలతో కలకాలం జీవించాలనే ఆకాంక్షను వ్యక్తంచేశారు.

విజయవాడ, నవంబర్ 19: రాష్ట్రాన్ని దుష్టత్రయమైన బీజేపీ, వైకాపా, జనసేన నుంచి కాపాడాలని ద్వారకా తిరుమల వెంకన్నను కోరుకున్నానని రాష్ట్ర ఆబ్కారీ శాఖ మంత్రి జవహర్ తెలిపారు. వెలగపూడి సచివాలయంలో ఆయన సోమవారం మీడియా సమావేశంలో మాట్లాడుతూ పశ్చిమ గోదావరి జిల్లా అన్నదేవరపేట నుంచి ద్వారకా తిరుమలకు మూడు రోజుల పాటు 112 కిలోమీటర్ల మేర వేడుకోలు పాదయాత్ర నిర్వహించారు.