విద్యవలన సుశిక్షితమైన హృదయంలో జనించే నీతి లేదా ధర్మమని అర్థం. ఎందుకంటే మానవుడుగా సృష్టించిన ద్రవ్యంగాని వస్తువుగాని లోకంలో లేదు. కాబట్టి దైవానికర్పించే వస్తువేదైనా అది భగవానుని సొత్తు మాత్రమే. అలా అర్పించాలంటే ముందుగా ఆ పరమాత్ముడిచేత మానవులకు ప్రదానం చేయబడాలి కదా. భగవానుడు ప్రదానం చేయని ద్రవ్యం మానవుడికెక్కడి నుండి ప్రాప్తమవుతుంది?

శరీరం ఆత్మకు నివాస స్థానం. అదే ఆత్మ అనే సరస్వతీనది ఐదు విధాలుగా ప్రవహిస్తూంది. అయితే బయటనుండి విషయ వాసనలు ప్రవహింపచేసే ఇంద్రియ ప్రవాహాలను నిరోధిస్తే ఆత్మ అనే సరస్వతీనది ఏకైక రూపమై ప్రవహిస్తుంది. ఈ విషయాన్ని కఠోపనిషత్తు ఇలా వివరించింది.
యదా పంచావతిష్ఠంతే జ్ఞానాని మనసా సహ బుద్ధిశ్చ న విచేష్టతే తమాహుః పరమాంగతిమ్‌॥ (కఠోపనిషత్తు. 1-6-10)

హిందీ మూలం: స్వామీ వేదానంద తీర్థ తెలుగు అనువాదం:
డా పాలకోడేటి జగన్నాథరావు 9490620512
*

ఈ మంత్రంలో భగవంతునకు గల అనేక నామాలలో కొన్ని పేర్కొనబడ్డాయి. శుక్లయజుర్వేదం ముప్పది ఒకటవ అధ్యాయంలో భగవానుడు పురుషునిగా అనగా వ్యాపకరూపునిగా వర్ణనచేయబడ్డాడు. అదే వేదంలో ఆయన ప్రజాపతిగా కీర్తింపబడ్డాడు. ఈ ప్రస్తుత మంత్రంలో అదే విధంగా ‘స ప్రజాపతిః’ (శు.య.31-19)అని భగవానుడు కీర్తింపబడ్డాడు.