న్యూఢిల్లీ, జనవరి 17: ప్రధాన మంత్రి నరేంద్ర మోదీ ప్రకటించిన అంకుర పరిశ్రమల విధానం (స్టార్టప్)లో పలు లోపాలున్నాయని కాంగ్రెస్ పార్టీ సీనియర్ నాయకుడు, రాజ్యసభ సభ్యుడు జైరాం రమేశ్ విమర్శించారు. ఈ విధానాన్ని యుపిఏ ప్రభుత్వ హయాంలోనే అమలుచేయటం జరిగిందని, గతంలో అమలైన విధానాన్ని నరేంద్ర మోదీ కొత్తగా కనుగొన్నామంటూ ప్రచారం చేసుకుంటున్నారని జైరాం రమేశ్ వ్యాఖ్యానించారు.

న్యూఢిల్లీ, జనవరి 17: ఢిల్లీ ముఖ్యమంత్రి, ఆమ్ ఆద్మీ పార్టీ అధినేత అరవింద్ కేజ్రీవాల్‌పై ఒక యువతి సిరా దాడికి పాల్పడింది. ఢిల్లీ రోడ్లపైకి ఒకరోజు సరి సంఖ్య గల వాహనాలను, మరో రోజు బేసి సంఖ్య గల వాహనాలను అనుమతిస్తూ ఢిల్లీ ప్రభుత్వం ఇటీవల ప్రయోగాత్మకంగా ప్రవేశపెట్టిన పథకం విజయవంతం కావడంతో ప్రజలకు కృతజ్ఞతలు తెలియడానికి ప్రభుత్వం ఆదివారం నిర్వహించిన సభలో ఈ సంఘటన జరిగింది.

న్యూఢిల్లీ, జనవరి 17: భారతీయులది ప్రకృతితో మమేకమైన సమాజం, ప్రపంచంలో మరెక్కడ ఇలాంటి సమాజం లేదని ప్రధాన మంత్రి నరేంద్ర మోదీ చెప్పారు. కేంద్ర మంత్రి వెంకయ్యనాయుడు సంక్రాం తి సందర్భంగా తమ నివాసంలో ఏర్పాటు చేసిన సంబరాలకు హాజరైన మోదీ తెలుగు వారిని ఉద్దేశించి ప్రసంగించారు. భారతీయులు తన జీవితాలను క్యాలెండర్‌తో ముడిపెట్టుకోకుండా ప్రకృతితో పెనవేసుకున్నారని మోదీ తెలిపారు.

చౌటుప్పల్, జనవరి 17: సంక్రాంతి పండగ ముగిసింది. పల్లెలకు వెళ్లిన హైదరాబాద్ వాసులు తిరుగుముఖం పట్టడంతో విజయవాడ-హైదరాబాద్ జాతీయ రహదారి కిక్కిరిసిపోయిం ది. ఇసుకేస్తే రాలనంతగా రహదారిని వాహనాలు పూర్తిగా ఆక్రమించడంతో ఎక్కడికక్కడ ట్రాఫిక్ జామ్‌లతో ప్రయాణికులు అవస్థ పడ్డారు. టోల్‌గేట్ల వద్ద పరిస్థితి సరేసరి.