షామీర్‌పేట్, సెప్టెంబర్ 20: మహిళను చితిలో పడేసి యువకుడిని సజీవ దహనం చేసిన కేసులో నలుగురిని షామీపేట పోలీసులు అరెస్టు చేశారు. చేతబడి అనుమానమే ఓ అమాయకుడిని బలిగొన్న ఆ మూఢ నమ్మకమే ఆ యువకుడిని సజీవ దహనం చేసింది.

రంపచోడవరం, సెప్టెంబర్ 20: గోదావరి వరద ఉద్ధృతంగా ఉన్న సమయం లో నిబంధనలకు విరుద్ధంగా పాపికొండలు విహారయాత్రకు బోటు నడిపి, అనేకమంది యాత్రికుల మరణానికి కారణమైన శ్రీ వశిష్ఠపున్నమి రాయల్ టూరిస్టు బోర్డు యజమాన్యానికి సంబంధించి ముగ్గురిని అరెస్టుచేశామని రంపచోడవరం ఏఎస్పీ వకుల్ జిందాల్ తెలిపారు.

రాజమహేంద్రవరం, సెప్టెంబర్ 20: తూర్పు గోదావరి జిల్లా దేవీపట్నం మండలం కచ్చులూరుమందం వద్ద గత ఆదివారం సంభవించిన బోటు ప్రమాదానికి సంబధించి శుక్రవారం ఒక మహిళ మృతదేహం లభించింది. గాలింపు చర్యలో భాగంగా మహిల మృతదేహాన్ని గుర్తించారు. కచ్చులూరు వద్ద లభించిన ఈ మృతదేహాన్ని విశాఖ జిల్లా గోపాలపురానికి చెందిన మదుపాక అరుణకుమారి (38)గా నిర్ధారించారు.

కడప, సెప్టెంబర్ 20: కడప ఆర్టీఓ కార్యాలయంపై శుక్రవారం ఏసీబీ అధికారులు దాడులు జరిపారు. ఏసీబీ డిఎస్పీ ఎం.నాగభూషణం సిబ్బందితో కలిసి ఉదయం 11 గంటలకు ఆకస్మికంగా తనిఖీలు నిర్వహించారు. ఆ సమయంలో అక్కడే ఉన్న 15 మంది ప్రైవేట్ ఏజెంట్లను అదుపులోకి తీసుకున్నారు. వారి నుంచి రూ.90,310 నగదును స్వాధీనం చేసుకున్నారు. వారికి సహకరించిన 17 మంది కార్యాలయం సిబ్బందిని సైతం అదుపులోకి తీసుకుని విచారిస్తున్నారు.