న్యూఢిల్లీ: తిరుమల తిరుపతి దేవస్థానం అర్చక పదవి నుంచి తొలిగించడాన్ని సవాల్ చేస్తూ రమణ దీక్షితులు దాఖలు చేసిన పిటిషన్‌పై విచారణ జరిపేందుకు సుప్రీం కోర్టు నిరాకరించింది. అక్రమంగా అర్చక పదవి నుంచి తొలగించారని, తిరిగి తనను విధుల్లోకి తీసుకునేలా తిరుమల తిరుపతి దేవస్థానం బోర్డును ఆదేశించాలని రమణ దీక్షితులు సుప్రీం కోర్టును ఆశ్రయించారు.

శంషాబాద్, జనవరి 3: ఔటర్ రింగ్ రోడ్డుపై జరిగిన రోడ్డు ప్రమాదంలో ఓ వ్యక్తి దుర్మరణం చెందాడు. ఆర్‌జీఐఏ పోలీసులు తెలిపిన వివరాల ప్రకారం.. రాజేంద్రనగర్ మున్సిపల్ పరిధిలోని గాంధీ నగర్‌కు చెందిన ప్రవీన్ యాదవ్ (22) గురువారం సాయంత్రం శంషాబాద్ నుంచి గాంధీనగర్ వెళ్తుండగా కొత్వాల్‌గూడ ఔటర్ రింగ్ వద్ద వేగంగా వస్తున్న లారీ వెనుక నుంచి ఢీకొనడంతో బైక్‌పై వెళ్తున్న ప్రవీణ్ యాదవ్ అక్కడికక్కడే దుర్మరణం చెందాడు.

న్యూఢిల్లీ: అయోధ్యలో రామమందిర నిర్మాణం, బాబ్రీమసీదు వివాదానికి సంబంధించి దాఖలైన పలు పిటిషన్ల విచారణను సుప్రీం కోర్టు శుక్రవారం చేపట్టనుంది. చీఫ్ జస్టిస్ రంజన్ గొగోయ్, ఎస్‌కే కౌల్‌లతో కూడిన ధర్మాసనం ఈ విచారణ నిర్వహిస్తుంది. అయితే ఈ కేసుకు సంబంధించిన హైకోర్టు తీర్పుకు వ్యతిరేకంగా 14 అభ్యర్థనలు దాఖలైనందున ధర్మాసనంలోని జడ్జీల సంఖ్య ముగ్గురుకు చేరవచ్చు.

వరదయ్యపాళెం, జనవరి 3: వరదయ్యపాళెం మండలంలోని అయ్యవారిపాళెం గ్రామంలో మట్టిపెళ్లలు పడి చెరివి మునెయ్య (50) అనే రైతు మృతిచెందారు. వివరాల్లోకివెళితే... అయ్యవారిపాళెం గ్రామానికి చెందిన మునెయ్య రోజూలాగే పొలానికి నీరు పెట్టడానికి బుధవారం రాత్రి వెళ్లారు. నీటి మోటార్ పక్కనే నీరు నిల్వ చేసుకోవడానికి గుంత చేస్తుండగా ప్రమాదవశాత్తూ మట్టిపెళ్లలు పడి ఊపిరాడక మునెయ్య మృతిచెందారు.