న్యూఢిల్లీ: తెలుగు రాష్ట్రాల ఉమ్మడి హైకోర్టు విభజనను తాత్కాలికంగా వాయిదా వేయాలని కోరుతూ దాఖలైన పిటిషన్‌ను సుప్రీం కోర్టు తోసిపుచ్చింది. ఆంధ్రప్రదేశ్ నూతన రాజధాని అమరావతిలో హైకోర్టు భవనాలు, వౌలిక సాదుపాయలు, జడ్జీల నివాస సముదాయాలు పూర్తయ్యేవరకు హైకోర్టు విభజనపై విడుదలైన గెజిట్ నోటిఫికేషన్‌పై స్టే ఇవ్వాలంటూ ఏపీ న్యాయవాదుల సంఘం సుప్రీం కోర్టులో పిటిషన్ దాఖలు చేసింది.

అనంతపురం, జనవరి 2: ధర్మవరం పరిధిలో డిసెంబర్ 18న కొండవీడు ఎక్స్‌ప్రెస్ రైల్లో నుండి నిండు గర్భిణిను కిందకు తోసి, ఆమె దగ్గర నుండి బంగారు నగలు దోచుకున్న ముద్దాయిని పోలీసులు పట్టుకున్నారు. సంఘటన జరిగిన 15 రోజుల్లో కేసును ఛేదించి ముద్దాయిని పట్టుకోవడం జరిగిందని రైల్వే ఎస్పీ సిద్దార్థ కౌశల్ పేర్కొన్నారు.

మార్కాపురం టౌన్, జనవరి 2: హత్యకేసులో సాక్ష్యాలు రుజువు కాకపోవడంతో కేసును కొట్టివేస్తూ 6వ అదనపుజిల్లా జడ్జి జి రామకృష్ణ బుధవారం తీర్పు చెప్పారు. వివరాలిలా ఉన్నాయి. మార్కాపురం డివిజన్ పెద్దారవీడు మండలం గొబ్బూరు గ్రామానికి చెందిన నాలి సాంబయ్యను 2012లో గోతం వెంకటేశ్వర్లు అనే వ్యక్తి గొడ్డలితో నరికి చంపాడు.

జి.మాడుగుల, జనవరి 2: పరిమితులకు మించి ప్రయాణికులను ఎక్కించుకుని వెళ్తున్న ఆటోబోల్తా పడటంతో ఒకరు మృతి చెందారు. వివరాలు ఇలా ఉన్నాయి. లువ్వాశింగి పంచాయతీ సంగులోయ గ్రామం నుంచి ఆటోలో జి.మాడుగుల కు రావడానికి 25 మంది ప్రయాణికులను ఎక్కించుకుని వస్తు వరదమామిడి గ్రామం సమీపంలో ఘటీ ఎక్కే సమయంలో బోల్తా పడింది. ఈ ఘటన లో సంగులోయ గ్రామానికి చెందిన ఇంచెంగి చంద్రయ్య(45) అక్కడికక్కడే మృతి చెందాడు.