సిరి క్రియేషన్స్ వర్క్స్ బ్యానర్‌లో రూపొందనున్న ‘ప్రేమదేశం’ చిత్రం రామానాయుడు స్టూడియోలో పూజా కార్యక్రమాలతో ప్రారంభమైంది. పూరి జగన్నాథ్ అబ్బాయి ఆకాష్ పూరి చిత్ర ప్రారంభోత్సవంలో ముఖ్య అతిథిగా పాల్గొన్నారు. అజయ్, మాయ ముఖ్య పాత్రల్లో కనిపించబోతున్న ఈ చిత్ర తొలి సన్నివేశానికి ఆకాష్ పూరి క్లాప్ కొట్టారు. అనంద్ రవి గౌరవ దర్శకత్వం వహించగా జీవితా రాజశేఖర్ కెమెరా స్విచ్చాన్ చేశారు.

తొలి చిత్రం ‘ఉయ్యాల జంపాల’తో సక్సెస్‌ఫుల్ హీరోగా కెరీర్‌ను స్టార్ట్‌చేసిన యువ కథానాయకుడు రాజ్‌తరుణ్ వరుస విజయాలతో తెలుగు ప్రేక్షకులందరికీ చాలా దగ్గరయ్యారు. ఇప్పుడు సక్సెస్‌కు కేరాఫ్ అడ్రస్ అయిన హిట్ చిత్రాల నిర్మాత దిల్‌రాజు నిర్మాణ సారధ్యంలో శ్రీ వెంకటేశ్వర క్రియేషన్స్ బ్యానర్‌పై ‘లవర్’ సినిమాలో నటిస్తున్నారు.

రామ్‌చరణ్ హీరోగా డి.వి.వి.ఎంటర్‌టైన్‌మెంట్ బ్యానర్‌పై డైరెక్టర్ బోయపాటి శ్రీను దర్శకత్వంలో ప్రొడ్యూసర్ దానయ్య డి.వి.వి. నిర్మాణంలో సినిమా రూపొందుతోన్న సంగతి తెలిసిందే. ప్రస్తుతం ఈ సినిమా నాలుగో షెడ్యూల్ షూటింగ్ శరవేగంగా జరుగుతోంది. హైదరాబాద్ శివార్లలో భారీ యాక్షన్ ఎపిసోడ్‌ను చిత్రీకరిస్తున్నారు.

హరికృష్ణ జొన్నలగడ్డ, అక్షిత జంటగా జొన్నలగడ్డ శ్రీనివాసరావు దర్శకత్వంలో జెఎస్‌ఆర్ మూవీస్ పతాకంపై సావిత్రి జొన్నలగడ్డ నిర్మిస్తున్న చిత్రం ‘ప్రేమెంత పనిచేసే నారాయణ’. ఈ సినిమా ట్రైలర్ శనివారం హైదరాబాద్‌లో విడుదల చేశారు. ముఖ్య అతిథిగా పాల్గొన్న హీరో శ్రీకాంత్ ట్రైలర్‌ను విడుదల చేశారు. ఈ కార్యక్రమంలో తమ్మారెడ్డి భరద్వాజ, పరుచూరి వెంకటేశ్వరరావు, ఒ.కళ్యాణ్, డాలి మరియు ఇతర ప్రముఖులు పాల్గొన్నారు.