న్యూఢిల్లీ: పంజాబ్ మాజీ ముఖ్యమంత్రి, మాజీ క్రికెటర్ సిద్దూ బ్యాంక్ అకౌంట్లను సీజ్ చేశారు. 2014-15 దాఖలుచేసిన ఆదాయం పన్ను రిటర్న్స్‌లో అవకతవకలు జరిగినట్లు వెల్లడవ్వటంతో అధికారులు ఈ నిర్ణయం తీసుకున్నారు. గత ఏడాది జనవరిలోనే అధికారులు సిద్దూకు నోటీసులు జారీ చేశారు. సిద్దూ అప్పీల్‌కు వెళ్లటంతో దీనిపై కమిషనర్ తీర్పు చెబుతూ పన్ను కట్టాల్సిందేనని తెలిపారు.

చెన్నై: సాధ్యమైనంత త్వరగా కావేరీ జలాల నిర్వహణ బోర్డును (సీఎంబీ) ఏర్పాటు చేయాలని, నటుడు, మక్కల్ నీతి మయ్యం పార్టీ వ్యవస్థాపక అధ్యక్షుడు కమల్ హాసన్ గురువారం ప్రధాని నరేంద్ర మోదీకి విజ్ఞప్తి చేశారు. ‘ప్రధానిగా మీకు కావేరీ జలాల నిర్వహణ బోర్డును ఏర్పాటు చేసే అధికారం ఉంది. అందువల్ల సాధ్యమైనంత త్వరగా ఆ దిశగా చర్యలు తీసుకోండి’ అని ఇక్కడ గురువారం ఏర్పాటు చేసిన మీడియా సమావేశంలో విజ్ఞప్తి చేశారు.

ఇస్లామాబాద్, మార్చి 29: మానవ హక్కులు, బాలికల విద్యకోసం ప్రచారం చేస్తూ నోబెల్ బహుమతిని అందుకున్న మలాల యూసఫ్‌జాయ్ గురువారం తన మాతృభూమి ఇస్లామాబాద్‌కు చేరుకున్నారు. ఆమె రక్షణకు అక్కడి ప్రభుత్వం పూర్తి ఏర్పాట్లు చేసింది. 2012లో తాలిబన్ మిలిటెంట్ల దాడిలో తీవ్రంగా గాయపడిన మలాలాను చికిత్స నిమిత్తం బ్రిటన్‌కు తరలించిన విషయం తెలిసిందే.

న్యూఢిల్లీ, మార్చి 29: సీబీఎస్‌ఈ ప్రశ్నాపత్రాల లీక్‌పై ప్రధాని నరేంద్రమోదీని టార్గెట్ చేసి కాంగ్రెస్ అధ్యక్షుడు రాహుల్ గాంధీ తీవ్రంగా విరుచుకుపడ్డారు. ట్విటర్ వేధికగా చేసుకుని మోదీపై ఘాటైన విమర్శలు చేశారు. ‘మోదీ సర్కార్‌లో లీకులే లీకులు. డేటా లీక్. ఆధార్ లీక్. ఎస్‌ఎస్‌సీ ఎగ్జామ్ లీక్. ఎలక్షన్ డేట్ లీక్.. ఇప్పుడు సీబీఎసీఈ పేపర్ల లీక్, యాతావాతా చౌకీదార్ వీక్’ అంటూ కాంగ్రెస్ చీఫ్ సెటైర్లు వేశారు.