ప్రజాదరణలో ఆమెకు సాటి వచ్చే నేతలు లేరు. అభియోగాల విషయంలో కూడా అంతే. మూడుసార్లు తమిళనాడు ముఖ్యమంత్రిగా పనిచేసిన జయలలిత రాజకీయ జీవితంలో మొదటి నుంచి సంఘర్షణ, ఎగుడుదిగుడుల మధ్య గడిచింది. ద్రవిడ రాజకీయాలను నాలుగున్నర దశాబ్దాల పాటు శాసించిన జయలలిత జీవితం వడ్డించిన విస్తరి కాదు. ఎఐడిఎంకె పార్టీలో ఆమె తిరుగులేని నాయకురాలు. ఆమె మాట కార్యకర్తలకు శాసనం.., ఆరాధకులకు.. ప్రజలకు వేదవాక్కు.

* 1982లో ఎంజీఆర్ పిలుపుతో అన్నాడిఎంకెలో చేరిక. 1983లో అసెంబ్లీ నియోజక ప్రచార కార్యదర్శిగా, ఆ తర్వాత పార్టీ ప్రధాన కార్యదర్శిగా ఎదుగుదల
* 1984లో రాజ్యసభ సభ్యురాలిగా ఎన్నిక
* 1987 డిసెంబర్ 24: ఎంజీఆర్ మరణం. అన్నాడిఎంకెలో చీలిక
* 1989లో ఎమ్మెల్యేగా ఎన్నిక. తమిళనాడులో తొలి మహిళా విపక్ష నేతగా రికార్డు

ఒక వ్యక్తి కోసం ఎవరైనా 223 మంది ఆత్మహత్య చేసుకుంటారా? ఒకరి కోసం ఎవరైనా నాలుక కోసుకుంటారా? ఒకరు జైల్లో ఉంటే బయటకు వచ్చే వరకూ పూజలు చేస్తారా? ఉపవాసాలు చేస్తారా? - అలా చేశారంటే ఆ వ్యక్తి ఓ మహా సమ్మోహనశక్తి అయి ఉండాలి. మరెంతో ప్రజాభిమానం సంపాదించుకుని ఉండాలి. ఆ వ్యక్తి ఎవరో కాదు... పురుచ్చితలైవి. తమిళనాట ‘అమ్మ’... జయలలిత!

చెన్నై, డిసెంబర్ 5: తమిళనాడు ముఖ్యమంత్రిగా ఓ.పన్నీర్ సెల్వం సోమవారం అర్ధరాత్రి ప్రమాణం చేశారు. రాజ్‌భవన్‌లో నిరాడంబరంగా జరిగిన కార్యక్రమంలో ఆయన చేత ఇంచార్జి గవర్నర్ సిహెచ్ విద్యాసాగర్ రావు ప్రమాణ స్వీకారం చేయించారు. అంతకుముందు దివంగత నేత జయలలితకు గవర్నర్, ఇతర నేతలు, అధికారులు రెండు నిమిషాలు వౌనం పాటించి నివాళి అర్పించారు.