చెన్నై, డిసెంబర్ 4: తమిళ సినీ హీరో రజనీకాంత్ శనివారం రాత్రి ఇక్కడ ఒక సినిమా చిత్రీకరణ సందర్భంగా కిందపడిపోయి స్వల్పంగా గాయపడ్డారు. తదుపరి రానున్న తన సినిమా ‘2.0’లో ఒక సన్నివేశాన్ని ఇక్కడి కెలబాక్కంలో చిత్రీకరిస్తుండగా 66 ఏళ్ల రజనీకాంత్ అనుకోకుండా కిందపడి పోవడంతో అతని మోకాలికి స్వల్ప గాయం అయింది.

అమృత్‌సర్, డిసెంబర్ 4: దక్షిణాసియాలో అశాంతి, ఉగ్రవాదానికి సంబంధించి ఒక దేశంపై నిందలు వేయటం చాలా తేలికని పాకిస్తాన్ ప్రధానమంత్రి విదేశీ వ్యవహారాల సలహాదారు సర్తాజ్ అజీజ్ వ్యాఖ్యానించారు. అమృత్‌సర్‌లో ముగిసిన హార్ట్ ఆఫ్ ఆసియా సదస్సులో ప్రధాని మోదీ పాకిస్తాన్‌ను పరోక్షంగా తెగనాడిన నేపథ్యంలో అజీజ్ ఎదురుదాడి చేశారు.

కోల్‌కతా, డిసెంబర్ 4: ప్రముఖ స్వాతంత్య్ర సమరయోధుడు నేతాజీ సుభాష్ చంద్రబోస్ 1945 ఆగస్టు 18న తైపీ (తైవాన్)లో జరిగిన విమానప్రమాదంలోనే మృతి చెందినట్లు నిరూపించే తిరుగులేని సాక్ష్యాధారాలు తన వద్ద ఉన్నాయని నేతాజీ ముని మనవడు, ప్రముఖ పరిశోధకుడు అశిష్ రే ఆదివారం చెప్పారు. అందువల్ల తైవాన్‌లోని రేంజి ఆలయంలో ఉంచిన నేతాజీ చితాభస్మాన్ని భారత్‌కు తీసుకు రావాలని ఆయన డిమాండ్ చేశారు.

అమృత్‌సర్, డిసెంబర్ 4: ఉగ్రవాదంపై ప్రధాని నరేంద్ర మోదీ మరోసారి కనె్నర్ర జేశారు. ఉగ్రవాద శక్తులపైనే కాకుండా వారికి మద్దతు ఇచ్చే, ఆశ్రయం కల్పించే, శిక్షణ, నిధులు సమకూర్చే వారిపైన కూడా కలిసికట్టుగా కఠినమైన చర్యలు తీసుకోవాలంటూ పరోక్షంగా పాకిస్తాన్‌పై విమర్శలు గుప్పించారు.