బెంగళూరు: నడిచే దేవుడు శివకుమార స్వామీజీ పార్థీవదేహాన్ని దర్శించుకునేందుకు భక్తులు పోటెత్తారు. లింగాయత్‌ల ఆరాధ్య దైవంగా పిలిచే శివస్వామిజీని సరిహద్దు రాష్ట్రాలైన ఏపీ, తెలంగాణ భక్తులు తరలివెళ్లారు. మఠంలోని వజ్రమహోత్సవ భవనానికి సమీపంలోని మ్యూజియం వద్ద పార్థీవదేహాన్ని ఉంచారు. ఈరోజు సాయంత్రం 4.30 గంటలకు స్వామిని మహాసమాధి చేయనున్నారు.

న్యూఢిల్లీ: లోక్‌సభ ఎన్నికల్లో పోటీ ప్రధానంగా ప్రధాన మంత్రి నరేంద్ర మోదీకి, ప్రతిపక్షంలో నెలకొన్న గందరగోళం మధ్య జరుగుతుందని కేంద్ర ఆర్థిక శాఖ మంత్రి అరుణ్ జైట్లీ ఎద్దేవా చేశారు. అరుణ్ జైట్లీ సోమవారం రాసిన ఒక బ్లాగ్‌లో తృణమూల్ కాంగ్రెస్ అధ్యక్షురాలు, పశ్చిమ బెంగాల్ ముఖ్యమంత్రి మమతా బెనర్జీ గత శనివారం కోల్‌కత్తాలో 23 ప్రతిపక్ష పార్టీల నాయకులతో కలిసి నిర్వహించిన బహిరంగ సభపై విమర్శలు గుప్పించారు.

పారిశుద్ధ్యం, స్వచ్ఛత గురించి రాజకీయ పార్టీలు ఎంతగా రాత్రింబవళ్లు ఊకదంపుడు ఉపన్యాసాలిచ్చినా ఎంత మేరకు అవి వాటిని పాటిస్తాయన్నది మేడుపండు చందమే. సాక్షాత్తూ దేశ రాజధాని నగరంలోని రామ్‌లీలా మైదానంలో కనిపిస్తున్న ఈ దృశ్యం చూస్తే స్వచ్ఛతా ఏదీ నీ చిరునామా అన్న సందేహామే కలుగుతోంది. బీజేపీ విజయ సంకల్ప ర్యాలీ అనంతరం రామ్‌లీలా మైదానం ఇలా చెత్తా చెదారంతో నిండిపోయింది

అలహాబాద్, జనవరి 21: పవిత్ర గంగానది భక్తుల తాకిడితో సోమవారం కిటకిటలాడింది. గజగజలాడించే చలిలోనూ కోటి మంది భక్తులు పుణ్యస్నానాలు ఆచరించారు. పౌష పూర్ణిమ కావడంతో అర్థకుంభమేళాకు దేశం నలుమూలల నుంచి భక్తులు తరలివచ్చారు. ఆదివారం రాత్రి నుంచే భక్తుల రాకపోకలు మొదలయ్యాయి. త్రివేణి సంగమం ప్రాంతంలో ఇసుకవేస్తే రాలనంత జనం కనిపించారు.