ప్రముఖ పారిశ్రామిక సంస్థలు తయారుచేసి విక్రయిస్తున్న ‘బ్రెడ్డు‘ను ‘పిజ్జా’లను ఆరగిస్తున్న వారు ‘కాన్సర్’ వ్యాధిగ్రస్తులయ్యే ప్రమాదం ఉందని వెల్లడి కావడం సహజ పరిణామం. ఎందుకంటే ‘శుద్ధిచేసి నిలువ చేసే ఆహారం’-పాకేజ్డ్ ఫుడ్-లో అనేక రకాల కృత్రిమ రసాయనాలను కలుపుతున్నారు. ఇలా తిండిని విష రసాయనాలతో ‘కల్తీ’ చేయడం ఇలా నిలువ ఉంచే ప్రక్రియలో భాగం. రసాయనాలు కలుపకపోతే శుద్ధిచేసిన తిండి ఎంతోకాలం నిలువ ఉండదు.

బంగ్లాదేశ్ సరిహద్దు పొడవునా కంచెను ఏర్పాటు చేయడానికి కృషి చేయనున్నట్టు అస్సాం నూతన ముఖ్యమంత్రిగా ఎన్నికైన శర్బానంద్ సోనోవాల్ ప్రకటించడం హర్షణీయ పరిణామం! అస్సాంను మాత్రమే కాక యావత్ భారత జాతిని దశాబ్దుల తరబడి పట్టి పీడిస్తున్న భయంకర సమస్య బంగ్లాదేశీయుల చొరబాటు...దశాబ్దుల తరబడి మన దేశంలోకి చొరబడిన బంగ్లాదేశీయ అక్రమ ప్రవేశకుల సంఖ్య లక్షలను దాటి కోట్లకు చేరింది.

గుజరాత్‌లోని గోధ్రాలో 2002, ఫిబ్రవరి 7వ తేదీన రైలుపెట్టెను దగ్ధం చేసిన జిహాదీ ఉగ్రవాదుల్లో అతి భయంకరుడైన ఫరూక్ మొహమ్మద్ భానా పట్టుబడడం నేరపరిశోధనలో ‘‘గొప్ప ముందడుగు’’. నత్తలతో నడకలో పోటీ పడుతున్న మన నేర విచారణ, పరిశోధన సంస్థల తీరుతన్నులకు ఇది మరో ఉదాహరణ. గోద్రాలో పాకిస్తాన్ ప్రభుత్వ ప్రేరిత బీభత్సకారులు ఆ రైలుపెట్టెను దగ్ధం చేసిన ఫలితంగా యాబయి తొమ్మిదిమంది రామభక్తి కరసేవకులు కాలి బూడిదైపోయారు.

భూమి లభించకపోవడంవల్ల పారిశ్రామిక ప్రగతి ఆగిపోరాదన్న విధానాన్ని కేంద్ర ప్రభుత్వం మరింత చిత్తశుద్ధితో అమలు చేయనున్నదట! ప్రగతి అంటే పారిశ్రామిక ప్రగతి మాత్రమేనన్నది ప్రపంచీకరణ మొదలైనప్పటినుంచి దేశంలోని ప్రధాన రాజకీయ పక్షాలు చేస్తున్న ప్రచారం. అందువల్ల కేంద్ర రాష్ట్ర ప్రభుత్వాల రాజకీయ నిర్వాహకులు ఎవరైనప్పటికీ ఈ ప్రగతి భూమిక మారడంలేదు.