కోల్‌కతా, మార్చి 31: తీవ్రమైన ఒత్తిడి కారణంగానే ఆస్ట్రేలియా క్రికెటర్లపై కోహ్లీ కొన్ని వ్యాఖ్యలు చేసివుంటాడని లెజెండరీ స్పిన్నర్ షేన్ వార్న్ అభిప్రాయపడ్డాడు. ఆసీస్ ఆటగాళ్లతో స్నేహ బంధానికి తెరపడిందని, ఇకపై వారు ఎన్నటికీ తన మిత్రులు కాలేరని ఒక ఇంటర్వ్యూలో కోహ్లీ చేసిన వ్యాఖ్యలు దుమారం చెలరేగిన విషయం తెలిసిందే. దీనిపై వార్న్ స్పందిస్తూ, భారత్, ఆసీస్ మధ్య పోరు హోరాహోరీగా సాగిందని అన్నాడు.

న్యూఢిల్లీ, మార్చి 30: భారత క్రికెట్ నియంత్రణ బోర్డు (బిసిసిఐ) ప్రత్యేక సర్వసభ్య సమావేశం (ఎస్‌జిఎం)ను ఎప్పుడైనా నిర్వహంచుకోవచ్చని, అందుకు తమ అనుమతి అనవసరమని పాలనాధికారల బృందం (సిఒఎ) చీఫ్ వినోద్ రాయ్ స్పష్టం చేశాడు. గురువారం ఇక్కడ ఇండియన్ ప్రీమియర్ లీగ్ (ఐపిఎల్) పాలక మండలి సమావేశం ముగిసిన తర్వాత అతను మాట్లాడుతూ ఎస్‌జిఎంను ఎప్పుడు నిర్వహించాలనే విషయంలో సిఒఎ జోక్యం చేసుకోదని అన్నాడు.

న్యూఢిల్లీ: ఈసారి ఐపిఎల్ సందర్భంగా మ్యాచ్‌లకు ఆతిథ్యమిచ్చే క్రికెట్ సంఘాలకు, ఆయా మ్యాచ్‌ల ఆరంభానికి ముందే బిసిసిఐ నుంచి వాటా లభించనుంది. ఒక్కో మ్యాచ్‌కి 60 లక్షల రూపాయలు చొప్పున సంబంధిత క్రికెట్ సంఘాలకు చెల్లిస్తున్నారు. ఇందులో 30 లక్షల రూపాయలను స్థానిక ఫ్రాంచైజీ మ్యాచ్‌కి ముందు, మిగతా 30 లక్షల రూపాయలను బిసిసిఐ మ్యాచ్ ముగిసిన తర్వాత చెల్లించడం ఆనవాయితీగా వస్తున్నది.

కరాచీ, మార్చి 30: గతంలో కుదుర్చుకున్న ఒప్పందాన్ని ఉల్లంఘిస్తూ, ద్వైపాక్షిక క్రికెట్ సిరీస్‌లు ఆడకుండా నిర్లక్ష్యం చేస్తున్న భారత క్రికెట్ నియంత్రణ బోర్డు (బిసిసిఐ)పై కేసును నమోదు చేయడానికి పాకిస్తాన్ క్రికెట్ బోర్డు (పిసిబి) సన్నాహాలు చేస్తున్నది. త్వరలో జరగబోయే అంతర్జాతీయ క్రికెట్ మండలి (ఐసిసి) సమావేశాల సమయంలో ఈ వివాదాన్ని పిసిసి లేవనెత్తనుంది.