గుంటూరు: గవర్నర్ నరసింహన్ రాజకీయాలు చేస్తున్నారని సినీ హీరో శివాజీ పేర్కొన్నారు. గురువారం గుంటూరులో ప్రత్యేక హోదా, విభజన హామీల సాధన సమితి సదస్సు జరిగింది. ఈ సదస్సులో శివాజీ మాట్లాడుతూ... రాష్ట్రంలో ఏ పార్టీ అధికారంలోకి వచ్చిన ప్రత్యేక హోదా లేకపోతే ఎవ్వరూ ఏమీ చేయలేరని శివాజీ అన్నారు.

హైదరాబాద్‌: పల్లెపల్లెకు తెలుగుదేశం కార్యక్రమాన్ని మార్చి 29 వరకు విస్తృతంగా కొనసాగించాలని బాబు పార్టీ జాతీయ అధ్యక్షుడు చంద్రబాబు నాయుడు సూచించారు. రెండోరోజు తెలంగాణ తెదేపా పొలిట్ బ్యూరో, కేంద్ర కమిటీ సభ్యులతో చంద్రబాబు హైదరాబాద్‌లోని తన నివాసంలో సమావేశమయ్యారు. త్వరలోనే ఖమ్మంలో భారీ బహిరంగసభకు తాను హాజరవుతానని బాబు చెప్పారు.

హైదరాబాద్: తెలంగాణకు చెందిన టీడీపీ నేతలతో ఆ పార్టీ జాతీయ అధ్యక్షుడు, ఏపీ ముఖ్యమంత్రి నారా చంద్రబాబునాయుడు గురువారం సమావేశమయ్యారు. తన నివాసంలో ఆయన సమావేశమ్యారు. ఈ సందర్బంగా తెలంగాణలో పార్టీ బలోపేతం, భవిష్యత్ లో నిర్వహించాల్సిన కార్యక్రమాలపై చంద్రబాబు చర్చించినట్లు సమాచారం.

హైదరాబాద్, ఫిబ్రవరి 28: ప్రత్యేక హోదా సాధనకు వైకాపా రాజీలేని పోరాటం చేస్తుందని, ముఖ్యమంత్రి చంద్రబాబు మాదిరిగా ప్రత్యేక హోదా అని ఒకసారి, ప్యాకేజీ అంటూ మరో సారి మాట మార్చే ప్రసక్తిలేదని వైకాపా ఎంపి డాక్టర్ వెలగపల్లి వరప్రసాదరావు అన్నారు. బుధవారం ఇక్కడ ఏర్పాటు చేసిన విలేఖర్ల సమావేశంలో ఆయన మాట్లాడుతూ, ప్రజలను మాటలతో మభ్యపెడుతూ చంద్రబాబు కాలక్షేపం చేస్తున్నారన్నారు.