హైదరాబాద్/ వనస్థలిపురం, ఆగస్టు 7: వైద్య వృత్తి చేతిలో ఉందనే అహంకారంతో ఓ వైద్యురాలు కేవలం రూ. 20 వేల రూపాయల కోసం 5 నెలల గర్భిణి నిండు ప్రాణాన్ని బలితీసుకుంది. ఈ సంఘటన వనస్థలిపురం పోలీస్‌స్టేషన్ పరిధిలోని కమలానగర్ అనూష నర్సింగ్‌హోమ్‌లోచోటు చేసుకుంది.

హైదరాబాద్, ఆగస్టు 7: రాష్ట్రంలో లక్షా 20వేల మంది ఉద్యోగ, ఉపాధ్యాయ కుటుంబాలను సామాజిక భద్రతకు దూరం చేస్తున్న కాంట్రిబ్యూటరీ పింఛను పథకం రద్దుచేసి పాత పింఛను పథకాన్ని కొనసాగించాలని కోరుతూ ఉపాధ్యాయ సంఘాల పోరాట కమిటీ ఆధ్వర్యంలో ఆగస్టు 8,9 తేదీల్లో మండల, తహసీల్దార్ కార్యాలయాల వద్ద ధర్నాలు, ర్యాలీలు నిర్వహించనున్నట్టు కమిటీ నేతలు ఎ నర్సిరెడ్డి, చావా రవి తదితరులు తెలిపారు.

హైదరాబాద్, ఆగస్టు 7:చేనేతను ప్రోత్సహించేందుకు ఐటి ఉద్యోగులు కూడా వారం రోజుల్లో ఒక రోజు చేనేత ధరించాలని ఐటి, మున్సిపల్ వ్యవహారాల శాఖ మంత్రి కె తారక రామారావు విజ్ఞప్తి చేశారు. జాతీయ చేనేత దినోత్సవం సందర్భంగా కెటిఆర్ మాట్లాడారు. వ్యవసాయం తరువాత చేనేత రంగం ఎక్కువ మందికి ఉపాధి కల్పిస్తోందని చెప్పారు. చేనేత రంగాన్ని, కార్మికులను కాపాడుకునేందుకు చేనేత ఫ్యాషన్‌ను ప్రోత్సహించాలని అన్నారు.

హైదరాబాద్, ఆగస్టు 7: డ్రగ్స్ మాఫియాకు వ్యతిరేకంగా తెలంగాణ జెఎసి ఉద్యమించేందుకు సిద్ధమైంది. టి.జెఎసి చైర్మన్ ప్రొఫెసర్ ఎం. కోదండరామ్ అధ్వర్యంలో జెఎసి ప్రతినిధులు, కార్యకర్తలు పోరుబాట పట్టనున్నారు. డ్రగ్స్ వల్ల కలిగే దుష్ప్రరిణామాలను ప్రజలను, ముఖ్యంగా యువతను చైతన్యవంతం చేసేందుకు టి.జెఎసి నడుం బిగించింది.