నిజామాబాద్, ఆగస్టు 9: రాష్ట్ర ముఖ్యమంత్రి కె.చంద్రశేఖర్‌రావు పర్యటనకు పోచంపాడ్ అన్ని హంగులను సంతరించుకుని అందంగా ముస్తాబైంది. శ్రీరాంసాగర్ ప్రాజెక్టు పునరుజ్జీవ పథకానికి గురువారం ఆయన శంకుస్థాపన చేయనున్నారు. బుధవారం సాయంత్రమే రోడ్డు మార్గం గుండా ఇక్కడికి చేరుకున్న ముఖ్యమంత్రి, పోచంపాడ్‌లోని ఎస్సారెస్పీ గెస్ట్‌హౌస్‌లో బస చేశారు.

హైదరాబాద్, ఆగస్టు 9: నేరెళ్ల ఘటనలో పోలీసులు అత్యుత్సాహం ప్రదర్శించారని మంత్రి కె తారకరామారావు వ్యాఖ్యానించారు. ఈ ఘటన దళితులపై దాడి కాదన్నారు. ఎక్కడైనా మా ప్రజలను మేమే కొట్టామని ఎందుకు చెబుతామని మంత్రి ప్రశ్నించారు. ఏ ప్రభుత్వం కూడా ప్రజలపై కేసులు పెట్టమని, కొట్టమని చెప్పదన్నారు. కేసులు పెట్టిన విషయం తనకు తెలియదన్నారు. ఈ ఘటనను తన దృష్టికి తీసుకరావడంలో స్థానిక నాయకత్వం విఫలమైందన్నారు.

కరీంనగర్, ఆగస్టు 8: సిఎం కెసిఆర్ ఇచ్చి న హామీ మేరకు జిల్లా కేంద్రంలో ప్రభుత్వ మెడికల్ కళాశాల ఏర్పాటు చేయాలంటూ డిమాండ్ చేస్తూ పిసిసి ఉపాధ్యక్షుడు, మాజీ ఎంపి పొన్నం ప్రభాకర్ గత మూడు రోజులుగా చేపడుతున్న ఆమరణ దీక్షను మంగళవారం వేకువజామున పోలీసులు భగ్నం చేశారు.

ఖానాపూర్, ఆగస్టు 8: నిర్మల్ జిల్లా ఖానాపూర్ ఆర్ అండ్ బి విశ్రాంతి భవనంలో మంగళవారం మంత్రి ఇంద్రకరణ్‌రెడ్డి సమక్షంలో మాజీ పార్లమెంట్ సభ్యుడు రాథోడ్ రమేష్, ఎమ్మెల్యే రేఖానాయక్ మధ్య తీవ్ర వాగ్వాదం జరిగింది. కుర్చీ విషయంలో తలెత్తిన సమస్య వారిద్దరి మధ్య వివాదాన్ని సృష్టించింది.