*చిత్రం... అనారోగ్యంతో బాధపడుతూ కొంపల్లిలోని సురక్ష హాస్పిటల్‌లో చికిత్స పొందుతున్న విశాలాంధ్ర మాజీ సంపాదకుడు సీ రాఘవాచారిని బుధవారం పరామర్శిస్తున్న ప్రణాళికా సంఘం రాష్ట్ర వైస్ చైర్మన్ బోయినపల్లి వినోద్‌కుమార్

హైదరాబాద్, అక్టోబర్ 16: టీఆర్టీ పీఈటీ ఫలితాలను ప్రకటించి నియామకాలు అన్నీ పూర్తి చేయాలని కోరుతూ జాక్టో యూఎస్‌పీసీ నాయకత్వం ప్రభుత్వాన్ని డిమాండ్ చేసింది. తమ డిమాండ్‌ను తక్షణమై ఆమోదించాలని కోరుతూ టీఆర్టీ పీఈటీ అభ్యర్ధులు బుధవారం నాడు ప్రగతి భవన్‌ను ముట్టడించారు. నేతలు అందర్నీ పోలీసులు అరెస్టు వారిని గోషామహల్‌కు తరలించారు.

హైదరాబాద్, అక్టోబర్ 16: ఆర్టీసీకి చెందిన భూములను ప్రైవేట్ ఏజన్సీలకు లీజుకు ఇవ్వకుండా రాష్ట్రప్రభుత్వాన్ని ఆదేశించాలని బీజేపీ రాష్ట్ర అధ్యక్షుడు డాక్టర్ కె లక్ష్మణ్ రాష్ట్ర గవర్నర్ తమిళిసై సౌందర రాజన్‌ను కోరారు. బుధవారం ఇక్కడ లక్ష్మణ్ ఆధ్వర్యంలోని బీజేపీ నేతల బృందం గవర్నర్‌ను కలిసి ఆర్టీసీ కార్మికులతో రాష్ట్రప్రభుత్వం చర్చలు జరిపేందుకు చొరవ తీసుకోవాలని అభ్యర్థించారు.

హైదరాబాద్, అక్టోబర్ 16: తెలంగాణ రాష్ట్ర ప్రణాళిక, అభివృద్ధికోసం సమగ్ర కార్యాచరణను రూపొందించేందుకు రాష్ట్ర ఆర్థిక, ప్రణాళిక శాఖ-సెంటర్ ఫర్ ఎఫెక్టివ్ గవర్నెన్స్ ఆఫ్ ఇండియన్ స్టేట్స్ (సీఈజీఐఎస్) మధ్య బుధవారం త్రైపాక్షిక అవగాహనా ఒప్పందం కుదిరింది. తెలంగాణ ఆర్థిక శాఖ కార్యదర్శి కే. రామకృష్ణారావు, సీఈజీఐఎస్ ఫౌండర్, సైంటిఫిక్ డైరెక్టర్ ప్రొఫెసర్ కార్తిక్ మురళీధరన్‌లు ఒప్పంద పత్రాలపై సంతకాలు చేశారు.