హైదరాబాద్, అక్టోబర్ 17: ప్రభుత్వం చేపడుతున్న సంక్షేమ పథకాల ద్వారానే సామాజిక న్యాయం జరుగుతుందని రాష్ట్ర ఎస్సీ, మైనారిటీ శాఖ మంత్రి కొప్పుల ఈశ్వర్ పేర్కొన్నారు. గురువారం ఆయన తన ఛాంబర్‌లో ఎస్సీ, మైనారిటీ శాఖలు చేపట్టిన వివిధ పథకాలపై సమీక్షించారు. ప్రజల ఆశయాలు, అవసరాలకు అనుగుణంగా వివిధ సంక్షేమ పథకాలను తమ ప్రభుత్వం చేపట్టిందన్నారు.

హైదరాబాద్, అక్టోబర్ 17: నెల నెలా జీతాలు చెల్లించేలా అధికారులను ఆదేశించాలని రాష్ట్ర ఆర్థిక మంత్రి తన్నీరు హరీష్‌రావుకు కాంట్రాక్టు లెక్చరర్ల సంఘం విజ్ఞప్తి చేసింది. సంఘం అధ్యక్షుడు కనకచంద్రం నేతృత్వంలోని బృందం ఒక వినతిపత్రాన్ని మంత్రికి అందించింది. నెలనెలా వేతనాలు అందకపోవడంతో తాము, తమ కుటుంబ సభ్యులు ఎన్నో ఇబ్బందులు పడుతున్నామని తెలిపారు. వెంటనే తమ సమస్యలను పరిష్కరించాలని వారు కోరారు.

హైదరాబాద్, అక్టోబర్ 17: రాష్ట్రంలోని న్యాయ విద్యా కళాశాలల్లో మూడేళ్ల ఎల్‌ఎల్‌బీ, ఐదేళ్ల ఎల్‌ఎల్‌బీ, రెండేళ్ల ఎల్‌ఎల్‌ఎం కోర్సులకు నిర్వహించిన సర్ట్ఫికేట్ల పరిశీలన, ఆన్‌లైన్ వెబ్ ఆప్షన్ల ప్రక్రియ ముగిసింది. శుక్రవారం నాడు అధికారులు వెబ్ ఆప్షన్ల ట్రయిల్ నిర్వహించనున్నారు. శనివారం నాడు వెబ్ ఆప్షన్లను కేటాయించనున్నట్టు తెలిసింది.

సిద్దిపేట, అక్టోబర్ 17 : వేద ధర్మాన్ని పరిరక్షించేందుకు తెలంగాణ ప్రభుత్వం కృతనిశ్చయంతో పనిచేస్తుందని రాష్ట్ర ఆర్థిక శాఖ మంత్రి హరీష్‌రావు అన్నారు. గురువారం సిద్దిపేట జిల్లా కేంద్రంలో పద్మనాయక కల్యాణ మండపంలో తెలంగాణ వేద విద్వన్ మహాసభల ప్రారంభ కార్యక్రమంలో మాట్లాడారు. సద్దిపేటలో తెలంగాణ వేద విద్వన్ మహాసభలు జరిపే అవకాశం ఇవ్వటం తమ అదృష్టమన్నారు.