మహబూబాబాద్, అక్టోబర్ 17: మహబూబాబాద్ జిల్లాలో డెంగ్యూ వ్యాధి పడగవిప్పి ప్రాణాలను కబళిస్తోంది. గార్ల మండల పరిధిలో డెంగ్యూ వ్యాధి సోకి ఒకేసారి నలుగురు వ్యక్తులు మృతి చెందారు.

భూపాలపల్లి, అక్టోబర్ 17: టీఆర్‌ఎస్ ప్రభుత్వం ప్రశ్నించే ప్రజా సంఘాల గొంతులను నొక్కివేస్తోందని భారత కమ్యూనిస్టు పార్టీ మావోయిస్టు తెలంగాణ అధికార ప్రతినిధి జగన్ అన్నారు. గురువారం ‘ఆంధ్రభూమి’ కార్యాలయానికి ఆయన ఈ మేరకు ప్రకటన విడుదల చేశారు. ఆర్టీసీతో పాటు వివిధ సంఘాలు 19వ తేదీన తలపెట్టిన రాష్ట్ర వ్యాప్త బంద్‌కు తమ పార్టీ సంపూర్ణ మద్దతు తెలుపుతుందని ఆయన అన్నారు.

హైదరాబాద్ : హుజూర్‌నగర్ ఉప ఎన్నికల ప్రచారానికి శనివారం సాయంత్రానికి గడువు ముగియనుండటంతో ఇక అక్కడ ముఖ్యమంత్రి, టీఆర్‌ఎస్ అధినేత కల్వకుంట్ల చంద్రశేఖర్‌రావు సభ లేనట్టేనని పార్టీ వర్గాల సమాచారం. గురువారం అక్కడ జరగాల్సిన సీఎం బహిరంగ సభ రద్దు అయింది. హెలిక్యాప్టర్ ప్రయాణానికి వాతావరణం అనుకూలంగా లేకపోవడంతో విమానయానశాఖ అనుమతించక పోవడంతో రద్దు అయిన విషయం తెలిసిందే.

హైదరాబాద్, అక్టోబర్ 17: తీవ్ర ఉత్కంఠ, ఉద్రిక్తత, కార్మికుల పట్టుదల, ప్రభుత్వ మొండి వైఖరి నేపథ్యంలో, గత 13 రోజులుగా కొనసాగుతున్న ఆర్టీసీ కార్మికుల సమ్మె గురువారం క్లైమాక్స్‌కు చేరింది. శుక్రవారం నివేదిక సమర్పించాలని హైకోర్టు ఆదేశించడంతో, సమ్మె దాదాపుగా చివరి అంకానికి చేరింది. ఇలావుంటే, సమ్మెపై ప్రభుత్వ వైఖరిలో మార్పు లేదు.