హైదరాబాద్, ఏప్రిల్ 14: అస్పృశ్యత మూలాలను ప్రశ్నించి, అసమానతల పునాదులను పెకిలించి అపూర్వ సందేశాలను భరతజాతికి అందించిన మహానుభావుడు అంబేద్కర్ అని ఎబివిపి అఖిల భారత సహ సంఘటనా కార్యదర్శి గుంతా లక్ష్మణ్ పేర్కొన్నారు. అఖిల భాతర విద్యార్ధి పరిషత్ ఆధ్వర్యంలో అంబేద్కర్ 125వ జయంతి సం దర్భంగా 125 కాగడాలతో ట్యాంక్‌బండ్‌పై ప్రదర్శన చేసి నేతలు ఘనంగా నివాళులు అర్పించారు.

హైదరాబాద్, ఏప్రిల్ 14:విపక్షాలు ఏర్పాటు చేసిన పవర్ పాయింట్ ప్రజంటేషన్‌లో ప్రాజెక్టుల గురించి వివరించిన నీటిపారుదల రంగం నిపుణులు రిటైర్డ్ ఇఎన్‌సి టి హనుమంతరావును నీటిపారుదల శాఖ మంత్రి తన్నీరు హరీశ్‌రావు శుక్రవారం కలుస్తారు. నీటిపారుదల ప్రాజెక్టులపై హనుమంతరావు అభిప్రాయాలను తెలుసుకుంటారు.

హైదరాబాద్, ఏప్రిల్ 14:‘మిషన్ భగీరథ’ పనులను ప్రత్యక్షంగా పరిశీలించేందుకు కేంద్ర గ్రామీణాభివృద్ధి శాఖ మంత్రి చౌదరి బీరేంద్ర సింగ్ ఈనెల 19న రాష్ట్రంలో పర్యటిస్తారు. ఖమ్మం జిల్లా పాలేరు సెగ్మెంట్‌తోపాటు, మెదక్ జిల్లాలో పనులను ఆయన పరిశీలిస్తారు. మిషన్ భగీరథ ద్వారా ఇంటింటికి మంచినీటిని అం దించే పథకంపై కేంద్రం ఆసక్తి చూపిస్తోంది.

హైదరాబాద్, ఏప్రిల్ 14: కాంగ్రెస్ పార్టీకి చెందిన ఎమ్మెల్యే చిట్టెం రామ్మోహన్ రెడ్డిని టిఆర్‌ఎస్ పార్టీ ప్రలోభాలకు గురి చేసి పార్టీలోకి చేర్చుకోవడం అనైతికమని సిఎల్‌పి నేత జానారెడ్డి విమర్శించారు. ఈ తరహా చర్యలకు పాల్పడినందుకు టిఆర్‌ఎస్ ప్రభుత్వానికి ప్రజలే గుణపాఠం చెబుతారని ఆయన హెచ్చరించారు. కాంగ్రెస్ పార్టీ ఫిరాయింపులను ప్రోత్సహించదని స్పష్టం చేశారు.