హైదరాబాద్, సెప్టెంబర్ 8: ఎప్పుడెప్పుడా అని ఎదురు చూసిన రాష్ట్ర మంత్రివర్గ విస్తరణ ఎట్టకేలకు ఆదివారం జరిగింది. కేసీఆర్ కొత్త జట్టు వచ్చేసింది. రాష్ట్ర గవర్నర్‌గా ఉదయం ప్రమాణ స్వీకారం చేసిన తమిళిసై సాయంత్రం నాలుగు గంటలకు రాజ్‌భవన్‌లో ఆరుగురు మంత్రులతో ప్రమాణ స్వీకారం చేయించారు. దీంతో మంత్రిమండలిలో ఖాళీగా ఉన్న స్థానాలన్నీ భర్తీ అయ్యాయి.

హైదరాబాద్, సెప్టెంబర్ 6: కొత్త మోటార్ వాహన చట్టం ప్రకారం పెరిగిన జరిమానాలు త్వరలో అమలు కానున్నాయి. వాహనదారులపై భారం పడనున్నది. కేంద్ర ప్రభుత్వం తెచ్చిన వాహన చట్టంపై వాహనదారులు తీవ్రంగా వ్యతిరేకిస్తున్నారు. ఈ నిర్ణయాన్ని వెనక్కి తీసుకోవాలని డిమాండ్ చేస్తున్నారు. నిబంధనలు అతిక్రమించిన వాహనాదారులు భారీ జరిమానాలు కట్టక తప్పదు.

హైదరాబాద్, సెప్టెంబర్ 6: మలేషియాలో జరిగిన తొమ్మిదో అంతర్జాతీయ కరాటే టోర్నమెంట్‌లో సత్తా చాటిన తెలంగాణ క్రీడాకారులు శుక్రవారం ప్రగతిభవన్‌లో ముఖ్యమంత్రి కే.చంద్రశేర్‌రావును కలిసారు. ఈ సందర్భంగా ముఖ్యమంత్రి వారిని అభినందించారు. ఈ టోర్నమెంట్‌లో తెలంగాణ క్రీడాకారులు రెండు స్వర్ణ పతకాలు, రెండు రజత పతకాలు సాధించడం పట్ల సీఎం హర్షం వ్యక్తం చేశారు.

హైదరాబాద్, సెప్టెంబర్ 6: తెలంగాణ ప్రభుత్వ స్టార్టప్ నమూనాలకు జాతీయ స్థాయిలో ప్రశంసలు అందుతున్నాయని ఐటీశాఖ ముఖ్య కార్యదర్శి జయేష్ రంజన్ తెలిపారు. తెలంగాణ ప్రభుత్వం ఐటీ విధానాలకు ఇప్పటికే దేశ, విదేశాల్లో ప్రశంసలు లభించాయన్నారు. తెలంగాణ ఐటీ విధానాలను ఇతర రాష్ట్రాలు అనుసరించాలని రిజర్వు బ్యాంక్ ఆఫ్ ఇండియా ఏర్పాటు చేసిన యూకే సిన్హా కమిటీ సిఫారసు చేసిందని జయేశ్ రంజన్ గుర్తు చేశారు.