హైదరాబాద్, జనవరి 23: హైదరాబాద్ నగరంలో సమావేశాలు, ర్యాలీలు నిర్వహించేందుకు కేవలం మజ్లిస్ పార్టీకే అనుమతి ఇస్తారా? అని తెలంగాణ రాష్ట్ర బీజేపీ అధ్యక్షుడు డాక్టర్ కే.లక్ష్మణ్ ప్రభుత్వాన్ని విమర్శించారు. ఈనెల 25వ తేదీన చార్మినార్ వద్ద మజ్లిస్ తలపెట్టిన ర్యాలీ, సభకు అనుమతి ఇవ్వోద్దని ఆయన డిమాండ్ చేశారు.

హైదరాబాద్, జనవరి 23: ఇంటర్మీడియట్ పరీక్షలను ఎలాంటి ఇబ్బందులూ ఎదురుకాకుండా పకడ్బందీగా నిర్వహించాలని, అందుకు అవసరమైన ముందస్తు చర్యలను తీసుకోవాలని విద్యా మంత్రి సబితా ఇంద్రారెడ్డి ఇంటర్ బోర్డు అధికారులను ఆదేశించారు. పరీక్షల నిర్వహణపై మంత్రి సబితా గురువారం నాడు సమీక్ష నిర్వహించారు. గత సంవత్సరం ఎదురైన అనుభవాలను పరిగణనలోకి తీసుకుని ఎలాంటి ఇబ్బందులు రాకుండా చూడాలని అన్నారు.

హైదరాబాద్, జనవరి 23: అత్యంత ప్రతిష్టాత్మకంగా ప్రభుత్వం నిర్వహించే మేడారం జాతరలో భక్తులకు ఎలాంటి ఇబ్బందులు రాకుండా అధికారులు అన్ని రకాల జాగ్రత్తలు తీసుకుని, పనులను త్వరితగతిన పూర్తి చేయాలని రాష్ట్ర గిరిజన, స్ర్తి, శిశు సంక్షేమ శాఖ మంత్రి సత్యవతి రాథోడ్ అధికారులను ఆదేశించారు. మేడారం జాతరపై ప్రత్యేక దృష్టి పెట్టి ముఖ్యమంత్రి కేసీఆర్ రూ.75 కోట్ల రూపాయాలు మంజూరు చేయడం జరిగిందని తెలిపారు.

హైదరాబాద్, జనవరి 23: గ్యాదరింగ్ ఆఫ్ వరల్డ్ ఎకనామిక్ లీడర్స్ వేదికపై తెలంగాణ ఐటీ శాఖ మంత్రి కల్వకుంట్ల తారక రామారావుకు అరుదైన గౌరవం దక్కింది. దావోస్‌లో జరుగుతోన్న వరల్డ్ ఎకనామిక్ ఫోరమ్ సదస్సులో పాల్గొనడాదికి కేటీఆర్ వెళ్లిన విషయం తెలిసిందే.