హైదరాబాద్: రాష్ట్ర మంత్రి మల్లారెడ్డి టిక్కెట్ల కోసం కోట్లు వసూలు చేశారని, ఈ విషయమై ముఖ్యమంత్రి కేసీఆర్‌కు అన్ని విషయాలు తెలిసి కూడా ఎటువంటి చర్యలు తీసుకోలేదని ఎఐసీసీ అధికార ప్రతినిధి దాసోజు శ్రవణ్ విమర్శించారు. ఆదివారం ఆయన ఇక్కడ విలేఖర్లతో మాట్లాడుతూ, అవినీతి నిరోధక శాఖ ఈ విషయమై ఏమి చేస్తోందని ప్రశ్నించారు. సుమోటోగా స్వీకరించాలని ఆయన కోరారు.

హైదరాబాద్, జనవరి 19: జనసేన పార్టీ గ్రేటర్ హైదరాబాద్ కమిటీని పార్టీ అధ్యక్షుడు పవన్ కళ్యాణ్ ఆదివారం నియమించారు. 12 మందితో కూడిన ఈ కమిటీని కార్యకర్తల అభీష్టంతో ఎంపిక చేశారు. అధ్యక్షునిగా రాధారం రాజలింగం, ప్రధాన కార్యదర్శిగా చిన్నమదిరెడ్డి దామోదర రెడ్డిలు నియమితులయ్యారు.

హైదరాబాద్, జనవరి 19: ఉపాధ్యాయ సంఘాలు విలీనం కావడంతో ఒకటైన తెలంగాణ ప్రోగ్రెసివ్ టీచర్స్ ఫెడరేషన్ ఇక భవిష్యత్ కార్యాచరణకు ముందడుగు వేసినట్లేనని ప్రొఫెసర్ హరగోపాల్ అభిప్రాయపడ్డారు. ఆదివారం హైదరాబాద్ సుందరయ్య విజ్ఞాన కేంద్రంలో జరిగిన సమావేశంలో ఉపాధ్యాయ సంఘాల విలీన ప్రక్రియ జరిగింది.

హైదరాబాద్, జనవరి 19: మున్సిపల్ ఎన్నికల్లో బీజేపీని గెలిపించడం వల్లనే అభివృద్ధి సాధ్యమని కేంద్రమంత్రి జీ కిషన్‌రెడ్డి అన్నారు. ఆదివారం ఆయన హైదరాబాద్ పరిసరాల్లోని అనేక మున్సిపాలటీల్లో ఎన్నికల ప్రచారం చేశారు. ఈ సందర్భంగా ఆయన మాట్లాడుతూ టీఆర్‌ఎస్ పార్టీ డబ్బులతో గెలవాలని చూస్తోందని, కేసీఆర్ ఎత్తులను చిత్తు చేయాలని ప్రజలను కోరారు. తెలంగాణను కేసీఆర్, ఒవైసీ కుటుంబాల నుంచి విముక్తి చేయించాలన్నారు.