హైదరాబాద్, జనవరి 28: రాష్ట్ర ప్రయోజనాలే ప్రాతిపదికగా పార్లమెంట్ సమావేశాల్లో గళమెత్తాలని తెలంగాణ రాష్ట్ర సమితి పార్లమెంటరీ పార్టీ నిర్ణయించింది. విభజన చట్టంలో ఇచ్చిన హామీల అమలు, రాష్ట్రానికి రావాల్సిన బకాయిల పట్ల కేంద్రం అనుసరిస్తున్న వివక్షపై పార్లమెంట్‌లో ఎండగట్టాలని నిర్ణయించింది.

నల్లగొండ, జనవరి 27: ఉమ్మడి నల్లగొండ జిల్లాలో మున్సిపల్ చైర్మన్, వైస్ చైర్మన్‌ల ఎన్నిక ప్రక్రియ ఉద్రిక్తత మధ్య సాగాయి. చౌటుప్పల్ మున్సిపాల్టీలో చైర్మన్ ఎన్నిక సందర్భంగా సీపీఎం సభ్యులు ముగ్గురు కాంగ్రెస్‌కు జలక్ ఇచ్చి టీఆర్‌ఎస్‌కు మద్దతు పలకడంతో స్థానిక మునుగోడు కాంగ్రెస్ ఎమ్మెల్యే కోమటిరెడ్డి రాజగోపాల్‌రెడ్డి, ఆ పార్టీ శ్రేణులు తీవ్ర ఆగ్రహాంతో ఆందోళనకు దిగడం ఘర్షణలకు దారితీసింది.

మహబూబ్‌నగర్, జనవరి 27: మున్సిపల్ ఎన్నికల్లో పాలమూరు జిల్లాలో తెరాస పాగా వేసింది. ఉమ్మడి మహబూబ్‌నగర్ జిల్లాలో 17 మున్సిపాలిటీలకు సోమవారం చైర్మన్, వైస్ చైర్మన్ల ఎన్నికలు జరిగాయి. ఇందులో 15 పురపాలికల్లో టీఆర్‌ఎస్ చైర్మన్లు, వైస్ చైర్మన్లు గెలుపొందారు. మక్తల్‌లో పురపాలికలో బీజేపీ, వడ్డేపల్లి ము న్సిపాలిటీలో కాంగ్రెస్ చైర్మన్, వైస్ చైర్మన్లు కైవసం చేసుకున్నారు.

నిజామాబాద్, జనవరి 27: నిజామాబాద్ ఉమ్మడి జిల్లాలో ఇందూరు నగర పాలక సంస్థతో పాటు అన్ని మున్సిపల్ చెర్మన్ పదవులను అధికార టీఆర్‌ఎస్ పార్టీ సునాయసంగా కైవసం చేసుకుంది. కీలక పదవుల కోసం ప్రతిపక్ష పార్టీల నుండి నామమాత్రంగానైనా పోటీ ఎదురుకాలేకపోయింది. పైపెచ్చు కాంగ్రెస్, ఎంఐఎం సహా స్వతంత్ర అభ్యర్థులంతా మేయర్, చైర్మన్ అభ్యర్థుల ఎంపిక సందర్భంగా తెరాసకు బాసటగా నిలువడం విశేషం.