హైదరాబాద్, సెప్టెంబర్ 10: రాష్ట్ర ప్రభుత్వ ఉద్యోగులకు 43 శాతం మధ్యంతర భృతి (ఐఆర్) ఇవ్వాలని తెలంగాణ ఎంప్లాయిస్ అసోసియేషన్ (టీఈఏ) కోరింది. టీఈఏ అధ్యక్షుడు గోపాల్‌రెడ్డి, జనరల్ సెక్రటరీ సంపత్ కుమార స్వామి, కోశాధికారి నిర్మల సోమవారం సచివాలయంలో ప్రభుత్వ ప్రధాన కార్యదర్శి డాక్టర్ ఎస్‌కే జోషిని కలిసి వినతిపత్రం ఇచ్చారు.

హైదరాబాద్, సెప్టెంబర్ 10: తెలంగాణ గ్రామీణాభివృద్ధి శాఖకు కేంద్ర ప్రభుత్వం ఉత్తమ అవార్డును ప్రకటించింది. రూర్బన్ పథకాన్ని సమర్థతగా అమలు చేస్తున్న రాష్ట్రాల్లో తెలంగాణ మూడోస్థానంలో నిలవడంతో ఈ అవార్డును కేంద్ర గ్రామీణాభావృద్ధి శాఖ ప్రకటించింది. గ్రామాల్లో పట్టణ వసతులు కల్పించే లక్ష్యంతో కేంద్రప్రభుత్వం శ్యాంప్రసాద్ ముఖర్జీ రూర్బన్ మిషన్ పథకాన్ని ప్రారంభించింది.

హైదరాబాద్, సెప్టెంబర్ 10: ‘బర్రెలు, గొర్రెలు కాదు ఎన్నికల్లో పోటీ చేసేందుకు టిక్కెట్లు ఇవ్వండి..’ అని బీసీ సంఘాల నేతలు డిమాండ్ చేశారు. బీసీలను ఓట్లేసే యంత్రాలుగా చూడరాదని, బీసీలకు రాజకీయ రంగంలో సరైన ప్రాతినిధ్యం కల్పించాలని వారు డిమాండ్ చేశారు.

హైదరాబాద్, సెప్టెంబర్ 10: పెరుగుతున్న పెట్రోలు, డీజిల్ ధరలపై ప్రజలు ఆందోళనలో ఉన్నారని, అది వాస్తవమే అయినా ఈ ధరలకు కేంద్ర ప్రభుత్వం మాత్రమే కారణం కాదని బీజేపీ రాష్ట్ర అధికార ప్రతినిధి ఎనుగుల రాకేష్‌రెడ్డి అభిప్రాయపడ్డారు. భారత్ బంద్‌కు పిలుపునిచ్చి కాంగ్రెస్, మిగిలిన పక్షాలు రాజకీయం చేస్తున్నాయని , దేశంలో బంద్ ఛాయలు లేవని, బంద్ సంపూర్ణంగా ఫ్లాప్ అయిందని ఆయన పేర్కొన్నారు.