కొండగట్టు: కొండగట్టు ప్రమాద బాధితులను తెలంగాణ టీడీపీ అధ్యక్షుడు ఎల్‌.రమణ, పార్టీ నేతలు పరామర్శించారు. కొండగట్టు ప్రమాదస్థలాన్ని పరిశీలించిన అనంతరం బాధిత కుటుంబాలకు రూ. 25వేల చొప్పున ఆర్థికసాయం చేశారు.

హైదరాబాద్: ముందస్తు ఎన్నికల కోసం సీఎం కేసీఆర్ తెలంగాణ అసెంబ్లీని రద్దు చేయటాన్ని సవాల్ చేస్తూ న్యాయవాది రాపోలు భాస్కర్ హైకోర్టులో దాఖలుచేసిన వ్యాజ్యాన్ని హైకోర్టు కొట్టివేసింది. రాజ్యాంగం, చట్టాల ఉల్లంఘన జరగనప్పుడు తాము జోక్యం చేసుకోలేమని న్యాయస్థానం స్పష్టం చేసింది.

మెదక్, సెప్టెంబర్ 11: మెదక్ జిల్లాలో మత్య్స పరిశ్రమ వెలవెలబోతోంది. వర్షాలు లేక జిల్లాలో చేపల ఉత్పత్తిని అనుకున్న లక్ష్యాన్ని జిల్లా అధికారులు సాధించలేకపోతున్నారు. జిల్లాలో 1591 చెరువులు ఉన్నాయని, అందులో 1273 గ్రామపంచాయితీలు, 315 డిపార్ట్‌మెంట్ చెరువులు, మూడు రిజర్వాయర్లు ఉన్నట్లు జిల్లా మత్య్సశాఖ ఇంచార్జీ అధికారి శ్రీనివాస్ మంగళవారం మాట్లాడుతూ తెలిపారు.

చౌటుప్పల్, సెప్టెంబర్ 11: దేశంలోనే ప్రథమంగా యాదాద్రి భువనగిరి జిల్లా చౌటుప్పల్ డివిజన్ కేంద్రంలో స్మృతి వనాన్ని ఏర్పాటు చేశామని అటవీ శాఖ ప్రిన్సిపల్ చీఫ్ కన్జర్వేటర్ పి.కె.జా వెల్లడించారు. అటవీ శాఖ ఆధ్వర్యంలో ఏర్పాటు చేసిన ఈ స్మృతి వనం చారిత్రాత్మకమన్నారు. చౌటుప్పల్‌లో ఏర్పాటు చేసిన స్మృతి వనాన్ని మంగళవారం అటవీ శాఖ ఉన్నతాధికారులు, జిల్లా కలెక్టర్ అనితారామచంద్రన్‌తో కలిసి ఆయన ప్రారంభించారు.