విశాఖపట్నం: ఇంగ్లాండ్ మొదటి ఇన్నింగ్స్ ముగిసిన తర్వాత రెండో ఇన్నింగ్స్ మొదలుపెట్టిన భారత్‌కు ప్రారంభంలోనే ఎదురుదెబ్బ తగిలింది. ఒక పరుగు తేడాతో ఓపెనర్లు ఇద్దరూ వెనుదిరిగారు. మురళీ విజయ్ మూడు పరుగులు చేసి స్టువర్ట్ బ్రాడ్ బౌలింగ్‌లో జో రూట్ క్యాచ్ పట్టగా అవుటయ్యాడు. లోకేష్ రాహుల్ పది పరుగులు చేసి, బ్రాడ్ బౌలింగ్‌లోనే వికెట్‌కీపర్ జానీ బెయిర్‌స్టోకు దొరికిపోయాడు.

ఫజూ (చైనా), నవంబర్ 19: భారత స్టార్, రియో ఒలింపిక్స్ రజత పతక విజేత పివి సింధు ఇక్కడ జరుగుతవున్న చైనా ఓపెన్ సూపర్ సిరీస్ బాడ్మింటన్ సిరీస్ మహిళల సింగిల్స్‌లో ఫైనల్ చేరింది. సెమీ ఫైనల్‌లో సంగ్ జీ హ్యున్‌ను ఢీకొన్న ఆమె ఓటమి అంచు నుంచి బయటపడి, వరుసగా మూడు మ్యాచ్ పాయింట్లను నిలబెట్టుకుంది. అతి కష్టం మీద మ్యాచ్‌ని 11-21, 23-21, 21-19 తేడాతో సొంతం చేసుకుంది.

కరాచీ, నవంబర్ 19: భారత్‌లో జరిగే జూనియర్ హాకీ ప్రపంచ కప్ చాంపియన్‌షిప్‌లో పాకిస్తాన్ పాల్గొనడంపై నెలకొన్న ఉత్కంఠకు తెరపడింది. డిసెంబర్ 8 నుంచి 18వ తేదీ వరకు జరిగే ఈ టోర్నీలో పాల్గొనేందుకు జూనియర్ హాకీ జట్టుకు పాక్ సర్కారు గ్రీన్ సిగ్నల్ ఇచ్చింది. భారత్, పాక్ దేశాల మధ్య నెలకొన్న ఉద్రిక్త పరిస్థితులు, సరిహద్దులో కమ్ముకుంటున్న యుద్ధ మేఘాల నేపథ్యంలో అన్ని రకాల ద్వైపాక్షిక సంబంధాలకు తెరపడింది.

పత్రికా మిత్రులు ఎక్కువగా ఉపయోగించే పదం డెడ్‌లైన్. తెలుగులో దాన్ని మనం చివరి గడువు అంటాం. పత్రికలో ఆదివారం అనుబంధం పేజీలు ముగించడానికి ఓ చివరి గడువు ఉంటుంది. అదే విధంగా ప్రతీ పత్రికకి చివరి గడువు ఉంటుంది. వార్తలకి కూడా చివరి గడువు ఉంటుంది. ఆ చివరి గడువు తరువాత పత్రిక ప్రచురణకి వెళ్లిపోతుంది. సంపాదకీయానికి అంతే. చివరి గడువు లేనిదంటూ ఏమీ ఉండదు. ఆ చివరి గడువు తరువాత ఆ వార్తకి విలువ ఉండదు.