పుట్టపర్తి, నవంబర్ 18: పుట్టపర్తి సత్యసాయి జయంతి ఉత్సవాలు శుక్రవారం ఘనంగా ప్రారంభమయ్యాయి. ఉత్సవాల్లో భాగంగా మొదటి రోజు వేణుగోపాలస్వామి రథోత్సవం కన్నులపండువగా జరిగింది. తొలుత ప్రశాంతినిలయం సాయికుల్వంత్ సభామండపంలోని సత్యసాయి మహాసమాధి వద్ద ప్రత్యేక ప్రార్థనలు జరిపారు. సమాధిని రకరకాల పుష్పాలతో అలంకరించారు.

ప్రత్తిపాడు, నవంబర్ 18: రాష్ట్రంలో కొనసాగుతున్నది ప్రజాస్వామ్యమా లేక రాచరికమా అని కాపు ఉద్యమనేత ముద్రగడ పద్మనాభం ముఖ్యమంత్రి చంద్రబాబునాయుడును ప్రశ్నించారు. తూర్పు గోదావరి జిల్లా కిర్లంపూడిలో శుక్రవారం ఆయన విలేఖర్ల సమావేశంలో మాట్లాడారు. గత ఎన్నికల్లో కాపులను బిసిల్లో చేరుస్తామని ముఖ్యమంత్రి చంద్రబాబునాయుడు హామీ ఇచ్చి మరిచిపోయిన తరువాత ఆ హామీని అమలు చేయాలని కాపులు రోడ్డెక్కారన్నారు.

అంబాజీపేట, నవంబర్ 18: దరఖాస్తు చేసుకుంటే కాపు రిజర్వేషన్ ఉద్యమ నాయకుడు ముద్రగడ పద్మనాభం పాదయాత్రకు అనుమతివ్వడానికి ప్రభుత్వం సిద్ధంగా ఉందని హోం శాఖ మంత్రి నిమ్మకాయల చినరాజప్ప తెలిపారు. సత్యాగ్రహ పాదయాత్రకు అనుమతి తీసుకోవాలని ముద్రగడకు చెప్పినా వినలేదన్నారు. సుప్రీంకోర్టు ఆదేశాల ప్రకారం ఎవరైనా నిరసన వ్యక్తం చేయవచ్చని, కానీ దానికి ప్రభుత్వ అనుమతి తప్పనిసరన్నారు.

విజయవాడ, నవంబర్ 18: రాష్ట్ర వ్యాప్తంగా అన్ని ప్రాంతాల్లో అన్న క్యాంటీన్లను త్వరలో ప్రారంభించనున్నారు. ఈ మేరకు అధికారులకు ముఖ్యమంత్రి చంద్రబాబు ఆదేశించారు. విజయవాడలోని సిఎం క్యాంపు కార్యాలయంలో ఆయన పౌర సరఫరాల అధికారులతో అన్న క్యాంటీన్లపై సమీక్ష సమావేశాన్ని శుక్రవారం నిర్వహించారు. ఈసందర్భంగా ఆయన మాట్లాడుతూ ముందుగా నగరాలు, పట్టణాల్లో అన్న క్యాంటీన్లను అందుబాటులోకి తీసుకురావాలని ఆదేశించారు.