రాజమహేంద్రవరం, నవంబర్ 18: రాజమహేంద్రవరంలోని ఆదికవి నన్నయ్య యూనివర్సిటీలో అచార్యుల నియామకాల్లో అవకతవకలు జరిగాయని ద్విసభ్య కమిటీ ఇచ్చిన నివేదిక కాలగర్భంలో కలిసిపోతోంది. ఈ కమిటీ నివేదికను యూనివర్సిటీ అధికారులు బేఖాతరు చేశారు. నన్నయ్య విశ్వవిద్యాలయంలో ఆచార్యుల నియామకాల్లో అవకతవకలు జరిగాయని విచారించడానికి గవర్నర్ ఆదేశాల మేరకు ద్విసభ్య నిపుణుల కమిటీ విచారణ జరిపి అవకతవకలు జరిగాయని నివేదిక ఇచ్చింది.

భీమవరం, నవంబర్ 18: భారతీయ జనతా పార్టీ ఆధ్వర్యంలో ఈ నెల 26న పశ్చిమ గోదావరి జిల్లా తాడేపల్లిగూడెంలో నిర్వహిస్తున్న రైతు సభను వినూత్నంగా నిర్వహించడానికి పార్టీ నేతలు కృషిచేస్తున్నారు. బిజెపి జాతీయ అధ్యక్షుడు అమిత్‌షా పాల్గొనే ఈ సభకు హాజరయ్యే వారంతా పంచెలు ధరించి హాజరయ్యేలా చూడాలని పార్టీ నేతలు నిర్ణయించారు. సుమారు లక్షమందిని ఈ సభకు హాజరయ్యేలా చూడాలని పార్టీ నేతలు భావిస్తున్న సంగతి విదితమే.

వరంగల్, నవంబర్ 18: పెద్దనోట్ల రద్దు వ్యవహారం రైతులకు, వ్యాపారులకు పెద్ద సమస్యగా మారింది. సుమారు 10రోజులుగా రైతులు తీసుకువచ్చిన వివిధ ఉత్పత్తులకు డబ్బులు చెల్లించలేక ఉమ్మడి వరంగల్ జిల్లాలోని వివిధ మార్కెట్ యార్డులలో లావాదేవీలు నిర్వహించే వ్యాపారుల చేతులు ఎత్తేస్తున్నారు. దీంతో సకాలంలో డబ్బులు అందక రైతులు లబోదిబోమంటున్నారు.

నాగర్‌కర్నూల్, నవంబర్ 18: నాగర్‌కర్నూల్ జిల్లా నల్లమల ప్రాంతానికి చెందిన 34మంది చెంచులను గుంపుమేస్ర్తి రెండేళ్ల క్రితం కర్నాటకకు తీసుకొనిపోయి వెట్టిచాకిరీ చేయిస్తుండగా, కాంట్రాక్టర్ కబంధహస్తాల నుంచి శుక్రవారం అక్కడి ప్రభుత్వం విముక్తి కలిగించింది.