హైదరాబాద్, సెప్టెంబర్ 25: రాష్ట్రంలో వారం రోజులుగా భారీ వర్షాల వల్ల సహాయక చర్యలు చేపట్టడంలో మంత్రులు, అధికార యంత్రాంగం తలమునకలై ఉండటంతో సోమవారం జరగాల్సిన మంత్రిమండలి సమావేశాన్ని వాయిదా వేసినట్టు ముఖ్యమంత్రి కె చంద్రశేఖర్‌రావు ప్రకటించారు.

హైదరాబాద్, సెప్టెంబర్ 25: మన దేశ భూభాగంలో పాకిస్తాన్ అశాంతిని ప్రేరేపిస్తున్నదని కేంద్ర సామాజిక న్యాయం, సాధికారత శాఖ సహాయ మంత్రి రాందా స్ అతవాలే మండిపడ్డారు. పాకిస్తాన్‌పై ఎటువంటి చర్యలకైనా వెనుకాడబోమని ప్రధాని నరేంద్ర మోదీ హెచ్చరించారని ఆయన ఆదివారం ఇక్కడ విలేఖరుల సమావేశంలో గుర్తు చేశారు. జమ్మూకాశ్మీర్ అంశాన్ని అంతర్జాతీయం చేయడాని కి పాక్ ప్రయత్నిస్తున్నదని ఆయన విమర్శించారు.

సూళ్లూరుపేట, సెప్టెంబర్ 25: భారత అంతరిక్ష పరిశోధన సంస్థ (ఇస్రో) మరో వినూత్న ప్రయోగానికి సమయం ఆసన్నమైంది. నెల్లూరు జిల్లాలోని భారత అంతరిక్ష ప్రయోగ కేంద్రం సతీష్ ధావన్ స్పేస్ సెంటర్ షార్ నుండి సోమవారం ఉదయం 9:12 గంటలకు పిఎస్‌ఎల్‌వి-సి 35 రాకెట్ ప్రయోగం జరగనుంది. ఈ రాకెట్ ద్వారా ఒకేసారి 8 ఉపగ్రహాలను రోదసిలోకి పంపనున్నారు. ఇందులో భాగంగా శనివారం ప్రారంభమైన కౌంట్‌డౌన్ సజావుగా సాగుతోంది.

హైదరాబాద్, సెప్టెంబర్ 25: మం త్రుల తనయులపై వస్తున్న ఫిర్యాదులపై ఎట్టకేలకు స్పందించిన ఏపి ము ఖ్యమంత్రి చంద్రబాబునాయుడు వారిని పిలిచి క్లాసు పీకి, ఇదే చివరి హె చ్చరిక అన్నారు. మీ పనితీరు మార్చుకోవాలని, నియోజకవర్గాల్లో జోక్యం చేసుకోకుండా, వివాదాలకు దూరంగా ఉండి, జననేతలుగా ఎదగాలని హిత వు పలికారు.