నేరేడ్‌మెట్, సెప్టెంబర్ 25: ముంపు ప్రాంతాల బాధితులను అన్ని విధాలుగా అదుకుంటామని మల్కాజిగిరి ఎంపి మల్లారెడ్డి, ఎమ్మెల్యే కనకారెడ్డి పేర్కొన్నారు. మల్కాజిగిరి సర్కిల్ పరిధిలో ముంపుకు గురైన షిర్డీనగర్, ఎన్‌యండిసికాలనీ, బండచెరువు నుండి లాలాపేట వరకు నాలాను స్థానిక కార్పొరేటర్, జిహెచ్‌యంసి అధికారులతో కలసి పరిశీలించారు.

ఉప్పల్, సెప్టెంబర్ 25: ఉప్పల్‌లో భారీ వర్షానికి ఆదివారం రాత్రి నడి రోడ్డుపై విద్యుత్ స్తంభం నేల కూలింది. మెరుపులతో కూడిన మంటలు రావడంతో స్థానికులు, వాహనదారులు పరుగులు తీశారు. సమాచారం అందుకున్న విద్యుత్ అధికారులు అప్రమత్తమై వెంటనే విద్యుత్ సరఫరా నిలిపివేయడంతో ఘోర ప్రమాదం తప్పింది. కేంద్రీయ విద్యాలయం వద్ద జరిగిన ఈ ఘటన చోటుచేసుకోవడంతో ట్రాఫిక్ స్తంభించిపోయింది.

మేడ్చల్, సెప్టెంబర్ 25: పట్టణంలోని తుమ్మ చెరువులో సామర్ధ్యానికి మించి వరద నీరు పారుతుండటతో పరివాహక ప్రాంతాల్లోని కాలనీవాసుల్లో టెన్షన్ నెలకొంది. తుమ్మ చెరువులోకి భారీ వర్షాలకు ఎగువ ప్రాంతం నుండి భారీగా వరద నీరు చెరుతుండటంతో చెరువుకు అలుగు లేకపోవడంతో నీరు బయటకు వెళ్లే మార్గంలేక కట్టకు ముప్పు వాటిల్లే ప్రమాదం పొంచి ఉండటంతో పరిసర కాలనీ ప్రజానీకంలో తీవ్ర టెన్షన్ నెలకొంది.

జీడిమెట్ల, సెప్టెంబర్ 25: సమస్య పూర్తయ్యే వరకు అన్ని శాఖల అధికారులు కాలనీలో ఉండి అండదండలు ఉంటాయని రాష్ట్ర రోడ్డు రవాణా శాఖ మంత్రి పట్నం మహేందర్‌రెడ్డి అన్నారు. ఆదివారం నిజాంపేట్ గ్రామం, బండారి లేఅవుట్ కాలనీలో స్థానిక ఎమ్మెల్యే కెపి వివేక్‌తో కలిసి మంత్రి పర్యటించారు. కాలనీలోని బాదితులను పరామర్శించి సమస్యలను తెలుసుకున్నారు. అధికారుల సహాయక చర్యల గురించి బాదితులను అడిగి ఆరా తీశారు.