విజయవాడ, డిసెంబర్ 12: గిరిజన సంక్షేమ గురుకుల పాఠశాలలో చదువుతున్న 27 మంది విద్యార్థులు డార్జిలింగ్‌లో రీనాక్ పర్వతాన్ని (6.400 మీటర్స్) అధిరోహించి జాతీయ పతాకాన్ని ఎగురవేసి వచ్చిన సందర్భంగా వారిని రాష్ట్ర సాంఘిక, గిరిజన సంక్షేమ శాఖ మంత్రి నక్కా ఆనందబాబు అభినందించారు. మంగళవారం మంత్రి నక్కా ఆనందబాబును ఆయన చాంబర్‌లో రీనాక్ పర్వతాన్ని అధిరోహించిన విద్యార్థులు కలిశారు.

విజయవాడ, డిసెంబర్ 12: విదేశీ పర్యటనలో భాగంగా కార్మికశాఖ మంత్రి పితాని సత్యనారాయణ రెండు రోజులు కువైట్‌లో పర్యటించారు. ఈ సందర్భంగా సోమవారం సాయంత్రం మంత్రి పితానికి కువైట్‌లో ప్రవాసాంధ్ర తెలుగుదేశం ఆధ్వర్యంలో ఘన సన్మానం నిర్వహించారు. డిసెంబర్ 9న మంత్రి పుట్టినరోజు కావటంతో మంత్రితో కేక్ కట్ చేయించి శుభాకాంక్షలు తెలిపారు.

ఒంగోలు,డిసెంబర్ 11:రాష్ట్రంలో సాంకేతిక పరిజ్ఞానాన్ని వినియోగించుకుని శాంతి భద్రతలను కాపాడుతున్నామని రాష్ట్ర హోంశాఖమంత్రి నిమ్మకాయల చినరాజప్ప వెల్లడించారు. సోమవారం ఒంగోలులోని ఎస్‌పి కార్యాలయంలోని సమావేశ మందిరంలో ఏర్పాటుచేసిన పాత్రికేయుల సమావేశంలో ఆయన మాట్లాడుతూ రాష్ట్రంలో అసాంఘిక కార్యకలాపాలకు పాల్పడే వ్యక్తులపై కఠినచర్యలు తీసుకుంటామని హెచ్చరించారు.

హైదరాబాద్, డిసెంబర్ 11: వంశధార ప్రాజెక్టు నిర్మాణంలో భాగంగా శ్రీకాకుళం జిల్లా తులగామ గ్రామంలో 115 మంది గ్రామస్తుల ఇళ్లు శుక్రవారం వరకూ ఖాళీ చేయించవద్దని హైకోర్టు ఆదేశించింది. తాత్కాలిక ప్రధాన న్యాయమూర్తి జస్టిస్ రమేష్ రంగనాధన్ , జస్టిస్ జి శ్యాం ప్రసాద్‌లతో కూడిన బెంచ్ రామకృష్ణారావు తదితరులు దాఖలు చేసిన పిటీషన్‌ను విచారించి ఈ ఆదేశాలు ఇచ్చారు.