ద్వారకాతిరుమల, జూన్ 26: పొలంలో కట్టివుంచుకున్న పశువులను చంపుతున్న గుర్తుతెలియని జంతువుకోసం రైతులు ఉంచిన విషపు ఎరకు ఒక చిరుతపులి బలయ్యింది. పశ్చిమ గోదావరి జిల్లా ద్వారకాతిరుమల మండలం తిరుమలంపాలెంలో సోమవారం ఈ ఘటన చోటుచేసుకుంది. వివరాలిలావున్నాయి... గ్రామంలోని పొలంలో కట్టివుంచిన పశువులపై నాలుగు రోజుల క్రితం గుర్తుతెలియని జంతువుదాడిచేసి, ఒక ఆవుదూడను హతమార్చింది.

అమరావతి, జూన్ 26: క్లౌడ్ మేనేజ్‌మెంట్, మిషన్ లెర్నింగ్ అంశాల్లో ఏపీ ప్రభుత్వానికి సహకరించేందుకు ప్రఖ్యాత అమృతా యూనివర్సిటీ ముందుకొచ్చింది. ఇప్పటికే ఇ-గవర్నెన్స్ అమలుచేస్తున్న ప్రభుత్వానికి ఇ-ఎడ్యుకేషన్, ఇ-హెల్త్ తదితర విషయాల్లో తమ వర్సిటీ అభివృద్ధి చేసిన వినూత్న సాంకేతికతను సమకూర్చడానికి సిద్ధమని వర్సిటీ ప్రతినిధి బృందం ప్రకటించింది.

అమరావతి, జూన్ 26: ఆంధ్రప్రదేశ్ రాష్ట్రాన్ని అత్యంత ఇంధన సమర్థ రాష్ట్రంగా తీర్చిదిద్దేందుకు ప్రభుత్వం ప్రత్యేక చర్యలను చేపట్టనున్నది. దీనిలో భాగంగా అన్ని ప్రభుత్వ సంస్థల భవనాలను ‘స్టార్’ భవనాలుగా మార్పు చేసేందుకు ప్రభుత్వ యంత్రాంగం సిద్ధమైంది. ఇకపై ప్రభుత్వ సంస్థల్లో ఇంధన సమర్థ 5 స్టార్ రేటింగ్ ఉపకరణాలను అమర్చనున్నారు. విద్యుత్ ఆదా చేయడంతో కరెంటు బిల్లుల భారాన్ని తగ్గించుకోనున్నారు.

విజయవాడ (క్రైం), జూన్ 26: గిరిజన తండాల్లో సంభవిస్తున్న మరణాలపై సాంఘిక, గిరిజన సంక్షేమ మంత్రి నక్కా ఆనందబాబు వివరణ ఇచ్చారు. వాగులో ఆవు చనిపోవడం వల్ల ఆ నీళ్ళు కలుషితం కావటమే రోగాలకు కారణమన్నారు. మరణాలపై ప్రభుత్వం ప్రత్యేక దృష్టి పెట్టి, గత రెండురోజుల నుంచి వైద్యపరంగా తగిన చర్యలు తీసుకుంటోందన్నారు. గిరిజనులకు కనీస అవగాహన లేకపోవటంతో ఈ పరిస్థితి వచ్చిందన్నారు.