గుంటూరు (కల్చరల్), జనవరి 15: ప్రకృతి, పర్యావరణం, భూమిని పరిరక్షించడమంటే భగవంతుని ఆరాధించడమేనని విశ్వగురు పీఠాధిపతి శ్రీ విశ్వయోగి విశ్వంజీ మహరాజ్ ఉద్బోధించారు. సంక్రాంతి సంబరాల్లో భాగంగా శనివారం రాత్రి నగరంలో రెండు ప్రధాన ఆలయాల్లో జరిగిన మకరజ్యోతి దర్శనం కార్యక్రమాల్లో ఆయన ముఖ్యఅతిథిగా పాల్గొని భక్తులకు సందేశమిచ్చారు.

అచ్చంపేట/మాచర్ల, జనవరి 15: సంక్రాంతి పండుగవేళ ఆ కుటుంబాల్లో తీరని విషాదం నిండింది. సెలవుల సందర్భంగా ఆటలాడుకుంటూ ఆనంద డోలికల్లో తేలియాడుతున్న చిన్నారులు మృత్యుకుహరంలోకి జారుకుని విగతజీవులుగా మారడంతో తల్లిదండ్రులు గుండెలవిసేలా రోదిస్తున్న తీరు చూపరుల కంటతడి పెట్టిస్తోంది. గుంటూరు జిల్లాలో ఆదివారం వేర్వేరు ప్రాంతాల్లో ఐదుగురు మృతి చెందారు.

విజయవాడ, జనవరి 15: అమరావతి నిర్మాణ ప్రక్రియ నిరాటంకంగా, నిర్ణీత వ్యవధిలో పూర్తయ్యేలా చర్యలు తీసుకుకోవాలని ముఖ్యమంత్రి చంద్రబాబు నాయుడు అధికారులను ఆదేశించారు. ఉండవల్లిలోని తన నివాసం నుంచి ఎపి సిఆర్‌డిఏ, అమరావతి డెవలప్‌మెంట్ కార్పొరేషన్ అధికారులు, మున్సిపల్ శాఖ మంత్రి నారాయణతో ఆయన ఆదివారం సమీక్ష సమావేశం నిర్వహించారు.

విశాఖపట్నం, జనవరి 13: సంక్రాంతి పండుగను పురస్కరించుకుని జరిగే కోడి పందేలకు విశాఖలోనూ ఆతిధ్యం లభించింది. నగరంతో పాటు శివారు మండలాలు, మారుమూల గ్రామాల్లో పందేల నిర్వహణకు వేదికలు ఏర్పాటు చేశారు. అధికార పార్టీ ప్రజాప్రతినిధుల అండతో నగర శివారులోని ఆరిలోవ, ఆనందపురం, పద్మనాభం, మండలాల్లో కోడి పందేల నిర్వహణ శుక్రవారం జోరుగా సాగింది. పందెం రాయుళ్లకు అన్ని సదుపాయాలు కల్పిస్తూ నిర్వాహకులు ఏర్పాట్లు చేశారు.