హైదరాబాద్, ఆగస్టు 17: రాష్ట్రంలో సెంటిమెంటుగా మారిన ప్రత్యేక హోదా- ప్యాకేజీ అంశంపై తెదేపా- కేంద్రం మధ్య ఏం జరుగుతోందో తెలియక ఏపి బిజెపి నేతలు తలలు పట్టుకుంటున్నారు. ప్రత్యేక హోదా లేదా ప్యాకేజీ వ్యవహారం అంతా కేవలం ఇద్దరు ముగ్గురు నేతల వ్యక్తిగత వ్యవహారంలా మారిందే తప్ప, దానికి సంబంధించి ఏం జరుగుతుందో ఆర్‌ఎస్‌ఎస్ నుంచి వచ్చి పార్టీ వ్యవహారాలు పర్యవేక్షించే వారికి సైతం తెలియడం లేదు.

తిరుమల, ఆగస్టు 17: తిరుమల మొదటి ఘాట్ రోడ్డులో ఓ వాహనం ఢీకొని జింక మృతి చెందిన సంఘటన మంగళవారం అర్థరాత్రి చోటుచేసుకుంది. తిరుమల నుంచి తిరుపతికి వెళ్లే మొదటి ఘాట్ రోడ్డులోని 7వ కిమీ వద్ద మంగళవారం రాత్రి 11.30 గంటల ప్రాంతంలో రోడ్డు దాటుతున్న జింకను తమిళనాడు భక్తులకు చెందిన ఓ టెంపో వాహనం ఢీకొట్టింది. ఈ ప్రమాదంలో జింక తీవ్రంగా గాయపడి కదలలేని పరిస్థితిలో అక్కడే కుప్పకూలి పోయింది.

దేవరాపల్లి, ఆగస్టు 17: విశాఖ జిల్లా దేవరాపల్లి మండలం ఏ.కొత్తపల్లిలో అనధికారిక బాణసంచా తయారీ కేంద్రంలో బుధవారం సంభవించిన పేలుడులో ముగ్గురు మృత్యువాత పడ్డారు. ఈ ఘటనలో అదే గ్రామానికి చెందిన కాటపల్లి బుజ్జి (16), గాలి రాంబాబు (35) అక్కడికక్కడే మంటల్లో చిక్కుకుని దుర్మరణం చెందగా విశాఖ కెజిహెచ్‌లో చికిత్స పొందుతూ జుంజూరి శివ (30) మృతి చెందాడు.

విజయవాడ (క్రైం), ఆగస్టు 17: కృష్ణా పుష్కరాల నిర్వహణను సవాల్‌గా తీసుకుని సమస్యలు అధిగమించామని రాష్ట్ర హోం, ఉపముఖ్యమంత్రి నిమ్మకాయల చినరాజప్ప, డిజిపి నండూరి సాంబశివరావులు అన్నారు. పౌర్ణమి సందర్భంగా గురువారం భక్తుల రద్దీ విపరీతంగా పెరిగి అవకాశం ఉందని, అదేవిధంగా 21వ తేదీ కూడా పెద్ద సంఖ్యలో భక్తులు తరలివస్తారని అంచనా ఉందన్నారు.