చిత్తూరు, జూలై 9: రాష్ట్రంలో గ్రామీణ ప్రాంతాలకు రోడ్డు వసతి కోసం 8వేల కోట్ల రూపాయలు కేటాయించినట్లు రాష్ట్ర పంచాయతీరాజ్‌శాఖ మంత్రి అయ్యన్నపాత్ర తెలిపారు. శనివారం చిత్తూరు జిల్లా పరిషత్ పాలక వర్గ ద్వితీయ వార్షికోత్సవ వేడుకల్లో మంత్రి పాల్గొన్నారు. ఈసందర్భంగా ఆయన మాట్లాడుతూ రాష్ట్ర వ్యాప్తంగా 13వేల పంచాయతీల్లో తాగునీరు నివారణ కోసం 850కోట్లు ఖర్చు చేయనున్నామన్నారు.

కడప, జూలై 9: చిత్తూరు జిల్లా చంద్రగిరి వైకాపా ఎమ్మెల్యే చెవిరెడ్డి భాస్కర్‌రెడ్డిని శనివారం సాయంత్రం కడప సెంట్రల్ జైలుకు తరలించారు. భారీ పోలీసు బందోబస్తు మధ్య చెవిరెడ్డిని కడప సెంట్రల్ జైల్ అధికారులకు అప్పగించారు. శుక్రవారం తిరుపతి సబ్ కలెక్టర్ కార్యాలయంలోకి చెవిరెడ్డి చేరుకుని ఉద్యోగుల విధులకు ఆటంకం కల్పించారని సిబ్బంది పోలీసులకు ఫిర్యాదు చేశారు. ఈ మేరకు ఎమ్మెల్యేపై కేసు నమోదైంది.

విశాఖపట్నం, జూలై 9: నవ్యాంధ్రప్రదేశ్‌లో పర్యాటక రంగానికి ప్రాధాన్యతినిస్తూ పూర్తిస్థాయిలో అభివృద్ధి చేయాలని రాష్ట్ర ప్రభుత్వం నిర్ణయించింది. దేశ, విదేశాల నుంచి విశేషంగా పర్యాటకులను ఆకర్షించే విధంగా పలు రకాలైన ప్రాజెక్టులు నిర్వహించేందుకు ప్రణాళికలు సిద్ధం చేయనుంది.

విజయవాడ: జీవో నెం.97 రద్దు చేసి, బాక్సైట్ తవ్వకాలు నిలిపివేయాలని పీసీసీ అధ్యక్షుడు రఘువీరారెడ్డి డిమాండ్ చేశారు. కాంగ్రెస్‌ హయాంలో బందరు పోర్టుకు 5000 ఎకరాలు కేటాయిస్తే, 1200 ఎకరాలు చాలని అప్పట్లో టీడీపీ నిరసన తెలిపిందని, ఇప్పడు రియల్ ఎస్టేట్ వ్యాపారం కోసం లక్ష ఎకరాలు కేటాయించారని ఆరోపించారు.